ମଣିଷ ପରି ଜୀଇବାକୁ ଶପଥ ନେବା
ମଣିଷ ପରି ଜୀଇବାକୁ ଶପଥ ନେବା
ବନ୍ଦେ ମାତରମ୍, କ୍ରାନ୍ତିର ଯୁବକ ହେ ଖୁଦିରାମ
ବିପ୍ଳବ ବାହକ ଥିଲ ,
ହେ ଦେଶଭକ୍ତ, ଧନ୍ୟ ତୁମ ବଳିଦାନ, ହସି ହସି
ଫାଶୀ ଖୁଣ୍ଟେ ଚଢିଥିଲ |୧|
ସୁଜଳାମ୍ ସୁଫଳାଂ ମଳୟଜ ଶୀତଳାମ୍, ବ୍ରିଟିଶ
ବିରୁଦ୍ଧେ ଲଢି ଥିଲ
ବିଚାରରେ ଶୁଦ୍ଧତା, ସ୍ୱାଧୀନତା ହକ ମଣିଷର, ତା
ହୃଦୟେ ଧରି ଥିଲ |୨|
ଶସ୍ୟ ଶ୍ୟାମଳାମ୍ ମାତରମ୍, ବନ୍ଦେ ମାତରମ ଗାନ,
ନଥିଲା ମନରେ ଭୟ ମୃତ୍ୟୁର
ସଂଗ୍ରାମ ସଂଘର୍ଷେ ସ୍ୱାଧୀନତା ପାଆନ୍ତି, ତୁମ ଆଦର୍ଶ,
ଟେକି ନଥିଲ କୁଞ୍ଚକୁ ଶାସକର |୩|
ଶୁଭ୍ର ଜୋତ୍ସ୍ନା ପୁଲକିତ ଯାମିନୀମ୍, ବନ୍ଦେ ମାତରମ,
ତୁମ ପ୍ରାଣବଳୀ କ୍ରାନ୍ତିକୁ ଆଗେଇ ନେବ
ଧନୀ ମୁଷ୍ଟିମେୟ ପାଇଁ ବାହାସ୍ଫୁଟିଆଙ୍କ ଅରାଜକର
ଶାସନ ନିଶ୍ଚୟ ଲୋପ ହେବ |୪|
ଫୁଲ କୁସୁମିତ ଦୃମଦଳ ଶୋଭିନୀମ୍ ସୁହାସିନୀମ୍,
ବନ୍ଦେ ମାତରମ, ମୁକ୍ତିର ପଥ
ଧନ୍ୟ ମୋ ଭାରତ, ଧନ୍ୟ ତମ ଲଢେଇ, ଅବକ୍ଷୟ
ହେବନାହିଁ, ଦେଇଥିବା ଆତ୍ମଶକ୍ତିପଥ |୫|
ସୁମଧୁର ଭାଷିଣୀମ୍ ସୁଖଦାଂ ବରଦାଂ ମାତରମ୍,
ବ୍ରିଟିଶ ବିରୁଦ୍ଧେ ଆହ୍ୱାନ ତୁମର ଥିଲା ,
ମାଳ ମାଳ ଏବେ ସ୍ୱଦେଶୀ ଶୋଷକ ଗଣତନ୍ତ୍ରକୁ
କରନ୍ତି ଓ କରିବେ ବିବର୍ଣ୍ଣ ପୋଲା |୬|
ବନ୍ଦେ ମାତରମ ଗାନକୁ ଧରି ଦେଶ ଦ୍ରୋହୀ ଏବେ
ଦେଶର ମାଲିକ ହୋଇଛନ୍ତି
ଗଣତନ୍ତ୍ର ରାଷ୍ଟ୍ରେ ଗଣ ଅତ୍ୟାଚାର ହୁଏ ହୃଦୟରେ
ଚାପି ରଖି ଦେଶପ୍ରମୀ ମରୁଛନ୍ତି |୭|
ଯେତେକ ଅଛରେ ଶ୍ରମିକ କୃଷକ ଯୁବକ ଓ କିଶୋର
ଖୁଦିରାମ ଗାଥା ଗାଇବା,
ମାଗିଖିଆ ଓ ଗୋଡାଣିଆ ମଣିଷ ନୁହେଁରେ, ମଣିଷ
ପରି ଜୀଇବାକୁ ଶପଥ ନେବା |୮|