ଲାଇବ୍ରେରୀ
ପ୍ରୋଫାଇଲ୍
ମନକରେ....
ମନକରେ....
1 min
206
ବେଳେ ବେଳେ ମନ କରେ
ତୁମ ଭଳି ହୋଇ ଯାଆନ୍ତି
ବଞ୍ଚନ୍ତି ବେପରୁଆ ଭାବରେ
ଆଉ ନିଜକୁ ହଜାଇ ଦିଅନ୍ତି ତୁମ ସହ
ତୁମର ସେ ଅନନ୍ତ ସତ୍ତାରେ
ତୁମକୁ ମୁଁ ଭଲପାଏ ବୋଲି
କେବେ ମନ କରେନା
ଖୋଲି କହିବାକୁ
ତୁମକୁ କେବେ ଝୁରିବାକୁ ମନ କରେନା
ବରଂ ମନ କରେ
ତୁମ ଭିତରେ ନିଜକୁ ହଜାଇ ଦେବାକୁ
ବେଳେ ବେଳେ ମନ ମୋର
ବେକାବୁ ହୋଇଯାଏ
ହେଲେ କେବେ ମନ କରେନି
ତୁମକୁ ଚିନ୍ତା ଗ୍ରସ୍ତ କରିବାକୁ
ସବୁବେଳେ ମନ ଚାହେଁ
ତୁମେ ଚିନ୍ତା ମୁକ୍ତ ହୋଇ ଉଡନ୍ତକି
ମୋ ସହ ଡେଣା ଝାଡି ଝାଡି
ନୀଳ ଆକାଶ ବକ୍ଷକୁ
