ମନେ ରଖି ଥିବ

ମହାକାଳ ଫଳ ଉପରେ ସୁନ୍ଦର

ଭିତରେ ପୋଡ଼ା ଅଙ୍ଗାର ,

ରୂପ ଥାଇ ଯଦି  ଗୁଣ ହୀନ ହୁଏ 

ସେ ରୂପ ଅଟେ ବେକାର ।

ଆଖୁ ସିନା ଅଟେ ଅତୀବ ମଧୂର

ଫଳ ଧରେ ନାହିଁ ତା'ର,

ଚନ୍ଦନ ଅଟଇ ଅତି ସୁବାସିତ

ଫୁଲ ଫୁଟେ ନାହିଁ ତା'ର ।

ପଳାଶ ଫୁଲଟି ଦିଶେ ମନୋହର

ଅଟେ ସୁବାସ ବିହୀନ,

ସେ ରୂପରେ କିବା ଅଛି ଯେ ମହତ୍ତ୍ଵ

ହୋଇଥିଲେ ଗୁଣ ହୀନ।

ବ୍ୟର୍ଥ ସେହି ଧନ ହୁଏ ଲୋକ ଙ୍କର

 ଯଦି ନକରନ୍ତି ଦାନ,

ବ୍ୟର୍ଥ ସେ ଜୀବନ ଯଦି ରହେ ନାହିଁ

ପର ଉପକାରେ ମନ ।

ବିଦ୍ଯା ସବୁ ତୁମ ହୋଇବ ବେକାର

ଯଦି ବିନମ୍ରତା ନାହିଁ,

ଏହି ସବୁ କଥା ମନେ ରଖିଥିବ

ଯେତେ କାଳ ଥିବ ଜୀଇଁ ।