ମନ ଆଇନାର ପ୍ରତିଛବି

ମନ ଆଇନାର ପ୍ରତି ଛବି ପ୍ରଭୁ

     ହୃଦୟ ମନ୍ଦିର ରାଜା.

ଭାବ, ଭକ୍ତି, ସମର୍ପଣରେ ଭଜିଲେ

     ଆଖି ହୁଏ ଭିଜା ଭିଜା. l

ଅକଳନା ତୁମ ମହିମାର ସୀମା

     ସାଗର ତଟର ବାଲି.

ଆକାଶର ତାରା ବରଷାର ବିନ୍ଦୁ

     ତାହାକୁ କେ ପରେ କଳି.

ପୂର୍ଣ୍ଣବ୍ରହ୍ମୁ ହୁଏ ଅଗଣିତ ବ୍ରହ୍ମ

ପୂର୍ଣ୍ଣତାରୁ କେବେ ନ ହୁଅଇ କ୍ଷୁର୍ଣ୍ଣ

     ଜୀବ ରୂପେ ତୋତେ ଖୋଜା. l

ପୁରୁଷୋତ୍ତମର ପୁରୁଷ ଉତ୍ତମ

      ଭାଗ୍ୟେ ଥିଲେ ମିଳେ ରାହା.

ଭକତି ଡୋରିରେ ବାନ୍ଧିଛୁ ଜଗତ

     ତୁ ତ ଜଗତର ସାହା.

ଅସୀମ, ଅନନ୍ତ, ଯାହାର ମହିମା

ହୃଦେ ଭକ୍ତି ଥିଲେ ମିଳଇ ପାଉଣା.

     ପୁଣ୍ୟ ବ୍ରହ୍ମ ଦାରୁ ରାଜା. l