"ମମତାମୟୀ"

"ମମତାମୟୀ"

ତୋ ମମତା ପାଶେ ହାରିଥିଲେ ଦିନେ

ଅାକଶର ଜହ୍ନ ମାମୁଁ

ହାରିଥିଲେ ପୁଣି ଯଶୋଦା କୋଳରେ

ତ୍ରିଭୁବନ ପତି କାହ୍ନୁ ।

ସ୍ନେହମୟୀ ତୋର ପଣତରେ ଭରା

କୋଟି ପାରିଜାତ ବାସ

ସେଇ ବାସ ଆଜି ମହକି ଉଠଇ

ମୋ ଅଧରେ ହୋଇ ହସ ।

ମୋ ଜୀବନ ମାଲୋ କଲୁ ମଧୁମୟ

ତୋ ଜୀବନ ମଧୁ ଦେଇ

ମୋ ଓଠରେ ଟିକେ ହସ ଦେଖିବାକୁ

ସବୁ ଲୁହ ଗଲୁ ପିଇ ।

ଜୀବନର ନୀତି ଶିଖାଇଛୁ ପୁଣି

ଶିଖାଇଛୁ ମାନବତା

ଯାହା ମୁଁ ଦେଖୁଛି ଯାହାମୁଁ ପାଇଛି

ସବୁର ତୁହିଲୋ ଦାତା ।

ଦେଖି ନାହିଁ କେବେ ଦେବୀଦେବତାଙ୍କୁ

ଅବା ତାଙ୍କ ଛାୟା ଛବି

ଏ ଜୀବଜଗତେ ଜୀବନ୍ତ ଦେବତୀ

ତୁହି ମା ବାସନ୍ତୀ ଦେବୀ ।

ତୋର ଖୁସି ହେଉ ମୋଜୀବନ ଲକ୍ଷ୍ଯ

ତୋ ଇଚ୍ଛାରେ ଚଳୁ ମନ

ତୋ ମମତା ପ୍ରେମେ ହୃଦୟ ଉଚ୍ଛୁଳୁ

ତୋ ଚରଣେ ବିତୁ ଦିନ...।

ପ୍ରଭାତ କୁମାର ନାୟକ

ମଧୁପୁର ,ଭଦ୍ରକ, ଓଡିଶା