ମମତା

ମମତା ସତେ କେତେ ମଧୁର ଅନୁଭବର କଥା,

ଅନୁଭବୀ ହିଁ ବୁଝି ପାରଇ ମମତା କେତେ ମିଠା |

ସାରା ଦୁନିଆ ହୋଇଛି ପରା ମମତାଡୋରେ ବନ୍ଧା,

ମମତା ପାଇଁ ଯଶୋଦା ପାଶେ କୃଷ୍ଣ ହୋଇଲେ ବନ୍ଧା |

ପଶୁପକ୍ଷୀ ବି ବୁଝିପାରନ୍ତି ସ୍ନେହ ମମତା କଥା,

ମଣିଷ ହାତେ ଧରାଦିଅନ୍ତି ଛାଡି ଭୟର ଚିନ୍ତା |

ଛୋଟ ହେଲେବି ଜୀବଟି ତାର ନିରୀହ ଆଖି କହେ,

ମମତା ଅଛି ଯା ପାଶେ ମୁହିଁ ତା ପାଖକୁ ହିଁ ଯାଏ |

ନିରୀହତାର କଅଁଳ ଆଖି ମଣିଷଆଡେ ଚାହିଁ,

କହୁଛି ମୋତେ ନିଜରକଲେ ଯିବି ତୁମର ହୋଇ |

ସାଥୀ ପାଖରେ ମମତା ଦେଖି ମଷାଟି ଗଲାଭଳି,

ଖୁସିରେ ଚାହିଁ ହାତରେ ତାର ହାତକୁ ଦେଲା ତୋଳି |

ମମତା ପାଶେ ହାରମାନିଛି ଗୁଣ୍ଡୁଚିଟିର ଭୟ,

ବନ୍ଧୁତା ତୁମ ନିବିଡ ହେଉ ଜୟ ମମତା ଜୟ |