🌱ମଲ୍ଲୀଫୁଲ🌱

ଅତି  ଆଦରରେ  ଆଣିଥିଲି  ଚାରା

ଫୁଲକୁଣ୍ଡରେ  ମୁଁ  ଲଗାଇବି  ବୋଲି  । ୧।। 

 କୁଣ୍ତରେ  ମାଟି   ଯତନେ  ଭରିଦେଇ

 ମଲ୍ଲୀଚାରାଟିକୁ ମୁଁ  ଲଗେଇ  ଦେଲି ।। ୨।। 

ଅତି  ଯତନରେ  ପାଣି   ଦେଉଥିଲି

ମୁଁ ନିତି ସକାଳେ ସଂଧ୍ଯାରେଯେ  ଖାଲି ।। ୩।। 

କିଛି  ଦିନ  ପରେ  କଅଁଳ ପତ୍ରରେ

ଭରି  ଯାଇଥିଲା  ଚାରାଗଛ  ମୋର 

ଖୁବ୍  ଅଳ୍ପଦିନେ   କଢି   ଧରିଥିଲା

     ବୋଲି  ମୁଁଦେଖି  ବହୁତ  ଖୁସିଥିଲି ।। ୪।। 

କଢିଦେଖି ମୁଁ ଯେ  ମନେ  ମନାସିଲି ଯେବେ  ଫୁଟିବ  ପ୍ରଥମ  ମଲ୍ଲୀଫୁଲ  

ସେ ଫୁଲକୁ ନେଇ  ତୁମ  ପାଦେଦେବି

      ସେଲାଗି  ମୁଁ  ଦିନ ଗଣି ଚାଲୁଥିଲି ।। ୫।। 

 କଢିଯେବେ ପୁଷ୍ପ  ହୋଇକି ଫୁଟିଲା

        ଚତୁର୍ଦ୍ଦିଗଟା  ମହମହ   ବାସିଲା ।। ୬।। 

 ଫୁଲକୁଣ୍ଡରେ ସେ ଯେ ଶୋଭା ପାଇଲା

 କେତେ  ଲୋକଙ୍କର ସେ ମନ କିଣିଲା ।। ୭।। 

 ଶେଷରେ  ବିଭୁଙ୍କର  ପାଦେ  ଲାଗିଲା 

      ସବୁଆଶା  ମୋର  ପୂରଣତ  ହେଲା ।। ୮।। 

                    ମନସ୍ମିତା ଦାସ

                         ଭଦ୍ରକ