ಲೈಬ್ರರಿ
ಪ್ರೊಫೈಲ್
ମଲାମନ
ମଲାମନ
ଜୀବିତ ଶରୀର ଜୀବନ୍ତ ମଣିଷ
ଚାରିଆଡ଼େ କୋଳାହଳର ଶୂନ୍ୟତା
ଖୁସିର ସୁଖର ଧାରାବାହିକର ଟିଭି ପରଦାରେ
ଆଡ଼ମ୍ବରର ବିଳାସର ବିପରୀତ ବିଳାପ
ଏଠି ମଲାମନଟା ମଲା ଶରୀର ସହ କରେ ଆଳାପ
ମରିଯାଇଥିବା ବିବେକର ଶବଗୁଡ଼ିକ
ଚାରିଆଡ଼େ ରାସ୍ତାଘାଟେ ଘରେ ବାହାରେ
ପଚିସଢ଼ି ଦୁର୍ଗନ୍ଧର ଦୂର୍ଗ ପାଲଟିଗଲାଣି
ସମୟ ପ୍ରଶ୍ନ ପଚାରିବାକୁ ଚାହୁଁଛି
ହେ ସମାଜ ହେ ପ୍ରକୃତି ଏଠି ବଞ୍ଚିଛି କିଏ..?
ନିରବରେ ନିରାଶ ମନରେ ସୁପ୍ତ ପ୍ରକୃତି
କି ଉତ୍ତର ଦେବ କେମିତି କହିବ ଚିନ୍ତାରେ ଆଜି
ତଥାପି ଉଦ୍ୟମ ତାର ଉତ୍ତର ଦେବ ସେ
ବଞ୍ଚିଛି କେବଳ ଖାଦ୍ୟ ଓ ଖାଦକ
ଲୋଭ ଈର୍ଷା ଅହଙ୍କାର ହିଂସା ଓ ହିଂସ୍ରତା
ମରିଯାଇଛି ମନ ମଲାମନର ଶବଦାହ କେ କରିବ..?
ଦୟା କରୁଣା କ୍ଷମା ହତ୍ୟାର ଶୀକାର ହୋଇ
ପ୍ରାଣ ହରାଇ ମୁକ୍ତ ହୋଇସାରିଲେଣି
ହଁ ବଞ୍ଚିଛି ଯନ୍ତ୍ରଣାର ଯନ୍ତ୍ର ଗାଡ଼ି ମୋଟର ଧୂମ୍ର
ଆଉ ବଞ୍ଚିଛି ରାକ୍ଷସ ଖାଲି ବଞ୍ଚିନି
ବଂଶ ବିସ୍ତାର କରିଚାଲିଛି ମଶାମାଛି ଭଳି
ତାଙ୍କୁ ମାରିବାକୁ ପ୍ରୟୋଗ ହେଉଛି ନକଲି ବିଷ
ଅର୍ଥାତ୍ ସେ ମରିଗଲେ ବିବେକ ଜାଗିଉଠିବ
ଯାହା କଦାପି ହେବାକୁ ଦିଆଯିବନି
ବାକି ଯିଏ ମରିଛି ମରୁ ମଲାମନକୁ ଫୋପାଡି ଦିଅ।
