ମକରସଂକ୍ରାନ୍ତି

ଆସ ହେ ମକର ବକର ଗତି ହେଉ ସୂରୁଜ

ଉତ୍ତରାୟଣରେ ଗମନ୍ତୁ ଧୀରେ ଝାଡ଼ି ମୂରୁଜ

ତୁମ ଆଗମନ ମଙ୍ଗଳମୟ ସଭିଙ୍କ ପାଇଁ

ସ୍ୱାଗତ ମକରସଂକ୍ରାନ୍ତି ମର୍ତ୍ତେ ଆସ ଓହ୍ଲାଇ

ହସୁଛି ଉତ୍କଳ ହସୁଛି ଆଜି ଭାରତ ବର୍ଷ 

ଇରାଂଜୀର ନବ ବରଷେ ତୁମ ଅମୀୟ ସ୍ପର୍ଶ

ଆନନ୍ଦ ଉତ୍ସଵ ମୁଖର ଆଜି ସାରା ଜଗତ

ଯାନିଯାତ୍ରା ପଯ୍ୟଟନରେ ଆଜି ସକଳେ ରତ

ରଙ୍ଗ ବେରଙ୍ଗର ଉଡୁଛି ଗୁଡି ଗଗନ ସାରା

ରାଇଜେ ରାଇଜେ ବିରାଜେ ତବ ରଙ୍ଗ ପସରା

ସିଂହନାଥ,ଅଟ୍ରି ପ୍ରସବଣରେ ମକର ଜାତ

ମକର ଚାଉଳ ମକର ମୁଆଁ ବସାଏ ମିତ

ଶାନ୍ତି, ମୈତ୍ରୀ ଆଉ ପ୍ରଗତି ବାର୍ତ୍ତା କରି ପ୍ରଚାର

ଆସି ପ୍ରତିବର୍ଷ ନୂତନ ରାଗେ ମୋହ ଅନ୍ତର

ହେ ସଂକ୍ରାନ୍ତି ଶ୍ରେଷ୍ଠ ମକର ଶୁଭ ଅଭିନନ୍ଦନ

ହରିବ ସକଳ ଦୁର୍ଗତି ଲେପି ଶାନ୍ତି ଚନ୍ଦନ