Library
Profile
ମି-ଠୁ(ମୁଁ ବି)
ମି-ଠୁ(ମୁଁ ବି)
ମି-ଠୁରେ ପୀଡିତା କହୁଛନ୍ତି ଏବେ
ଯୌନ ଶୋଷଣର କଥା
ବହୁତ ଦିନର ଲୁକାୟିତ ତଥ୍ୟ
ଅବ୍ୟକ୍ତ ଯଂତ୍ରଣା ବ୍ୟଥା ॥
ଟିଭି ଚଳଚିତ୍ର ଶିଳ୍ପ ଜଗତର
ଯୌନ କେଳଙ୍କାରୀ କଥା
ପ୍ରଘଟ କରନ୍ତି ବହୁଦିନ ପରେ
ନିଜ ଅଙ୍ଗନିଭା ବ୍ୟଥା ॥
ଲଜ୍ୟା ଅପବାଦ ପ୍ରତିଷ୍ଠା ଭୟରେ
ସହିଥିଲେ ଯୌନାଚାର
କହିଥିଲେ ଖୋଲି ଠିକଣା ବେଳରେ
ହୋଇଥାନ୍ତା ସୁବିଚାର ॥
ନେବାପାଇଁ ହେଲେ ଦେବାକୁ ବି ହୁଏ
ଶୋଷକ ରଖନ୍ତି ସର୍ତ୍ତ
ଭାରି ସାଙ୍ଘାତିକ ଲଜ୍ୟାକର କଥା
ଯଦି ହୋଇଥାଏ ସତ ॥
ଭ୍ରଷ୍ଟ ପ୍ରବଂଚକ ଯୌନ ପିପାସୁଙ୍କ
କାମନାର ଚରିତାର୍ଥେ
କରନାହିଁ ଦାନ ରୂପ ଯୌବନକୁ
ଆସୁ ବାଧାବିଘ୍ନ ଯେତେ ॥
ନମିଳୁ ପଛକେ ସୁବିଧା ସୁଯୋଗ
କର୍ମକ୍ଷେତ୍ରେ ସଫଳତା
ହରାଇ ସତୀତ୍ୱ ହୁଅ ନାହିଁ ବଶ୍ୟ
ହେବା ପାଇଁ ପ୍ରତିଷ୍ଠିତା ॥
କରି ପ୍ରତ୍ୟାଖ୍ୟାନ ନିଜେ ସୀତାମାତା
ରାବଣର ପ୍ରଲୋଭନ
ରଖିଲେ ବଜାୟ ତାଙ୍କର ସତୀତ୍ୱ
ନାରୀ ମହନୀୟ ଗୁଣ ॥
ସମର୍ପି ଶରୀର ଇଂଦ୍ରଙ୍କୁ ଅହଲ୍ୟା
ପଥର ପାଲଟି ଗଲେ
ପ୍ରଭୁ ରାମଙ୍କର ପଦସ୍ପର୍ଶ ପାଇ
ନବ ଜନ୍ମ ଲାଭ କଲେ ॥
ଉଚ୍ଚ ପଦବୀରେ ବିଭିନ୍ନ କ୍ଷେତ୍ରରେ
କିଛି ପ୍ରତିଷ୍ଠିତ ଲୋକ
କରନ୍ତି ଶୋଷଣ ନାରୀଙ୍କ ଇଜ୍ଜତ
ମେଣ୍ଟାଇ ତାଙ୍କର ଭୋକ ॥
ନାରୀ ନାହିଁ ଆଉ ଅବଗୁଣ୍ଠନରେ
ବସିରହି ଘର କୋଣେ
ସକଳ କ୍ଷେତ୍ରରେ ଲଭିଣ ଉତ୍କର୍ଷ
ଉଡଇ ଆକାଶେ ଯାନେ ॥
ନାରୀ ସର୍ବଂସହା କରୁଣାର ଉତ୍ସ୍
ପ୍ରେମର ସେ ମନ୍ଦାକିନୀ
ସଶକ୍ତି କରଣ ଆଳରେ ତାଙ୍କର
ନହେଉ ମର୍ଜ୍ୟାଦା ହାନୀ ॥
(ସଦାନନ୍ଦ ପ୍ରତହାରୀ)
ତା୨୨-୧୦-୨୦୧୮
