ମହକ
ମହକ
ମହକ ହିଁ ମହକ କୋଇଲି କଣ୍ଠ କୁହୁକ
ମହକ ଥାଏ ମିଠା କଥା ମନ ସିନ୍ଦୁକ
ମହକ ଜ୍ଞାନ ଗୁଣ ଗରିମା ରକ୍ଷକ
ମହକରେ ମହକିତ ପୁଲକ ଗୋଲକ
ମହକ ଅବଢ଼ାର ସନ୍ତୋଷ ଅନେକ
ଧୂପ ଦୀପ ଝୁଣା ପ୍ରଶାନ୍ତି ମହକ
ବିଲୁଆ ଚତୁର ପଇଡ ମଧୁର ଯୌଗିକ
ଫୁଲରେ, ତାରାରେ, ମାଟିରେ ମହକ
ଦୁଇନିଆଁ ଦୁନିଆଁ ମଝିରେ ମହକ ମୋହକ
ମହକ ଭାଷା ପୋଷାକ ଚଳଣି ଦୈନିକ
ମହକ ଶହୀଦର ଦେଶରକ୍ଷକ ସୈନିକ
ଜାତି ଜାତି ଶସ୍ୟ ମହକରେ କୃଷକ
ମାଟି ମାଆ ସଙ୍ଗେ ଭାବ ତା ବର୍ଷକ
ମଣିଷପଣିଆ ମହକ ଉତ୍କର୍ଷକ
ପଶୁର ଆଖି ଶିଶୁର ହସରେ ମିଠା ମହକ
ମହକରେ ମହକିତ ଏ ସଂସାର ବୈଠକ
କହି ଜାଣିଲେ ମଥା ବାନ୍ଧି ପାରିଲେ ମହକ
ମାଆ ହାତରନ୍ଧା ସ୍ନେହ ଶ୍ରଦ୍ଧା ତ୍ୟାଗ ପୁଲକ
କର୍ତ୍ତବ୍ୟ କର୍ମ ଜୀବନ ଗଣିତର ଭାଜ୍ୟ ଭଜକ
ମୃତ୍ୟୁ ପରେ ସଦାନନ୍ଦ ଯାଏ ଦିବ୍ୟ ଗୋଲକ
ମହକରେ ମହକିତ କସ୍ତୁରୀ ଚନ୍ଦନ ତିଳକ.ll