Library
Profile
ମହାଶକ୍ତି
ମହାଶକ୍ତି
ନମସ୍ତେ ନମସ୍ତେ ମାଆଗୋ ମହିଷା ମର୍ଦ୍ଦିନୀ,
ସଙ୍କଟତାରିଣୀ ମାଆଲୋ ପତିତ ପାବନୀ ।
ତୁହି ସ୍ଵାତୀ, ତୁହି ସ୍ୱାଧି, ତୁହି ଅମ୍ବାଳିକା,
ତୁହି ଶାନ୍ତି ତୁହି କ୍ଷାନ୍ତି ତୁହି ମାଆ କାମାକ୍ଷା l
ଦକ୍ଷ କନ୍ୟା ଅଟୁ ତୁହି ବିନ୍ଧ୍ୟ ବାସିନୀ,
ତୁହି ମାଆ ପାତାଳଶ୍ୱରୀ ତ୍ରିପୁର ମୋହିନୀ ।
କାଳୀ ମହାକାଳୀ ତୁ ଚଣ୍ଡୀ ଯେ ଚାମୁଣ୍ଡା ,
ବିପଦେ ଘୋଡ଼ାଇ ଦେଉ କରୁଣାର ଧଣ୍ଡା l
ନାନା ସ୍ଥାନେ ନାନା ନାଆଁ ଅଟେ ଯେ ତୋହର,
ତାରିଣୀ ତାରକ ବ୍ରହ୍ମ କଳି ତତ୍ତ୍ୱ ସାର l
ସୁବର୍ଣ୍ଣ ଦେହରେ ମାଗୋ କଳା ପାଟ ଶାଢ଼ୀ,
ତୋ ପାଦ ଅଳତା ଦିଶେ ନବ ଚମ୍ପା କଢ଼ି l
ମଥାରେ ସିନ୍ଦୂର ଟୋପା ହୁଏ ପତିଭାତ,
ସତେ କି ଉଦୟ ହେଲା କରୁଣା ପ୍ରଭାତ l
ସିଂହର ପୃଷ୍ଠରେ ମାଆଲୋ ଵିଜେ କରିଥାଉ,
ଦୁଃଖି ଦୀନ ଦରିଦ୍ରଙ୍କୁ ବର ଯାଚି ଦେଉ l
ଜ୍ଞାନ ମତେ ଶକ୍ତି ମୟୀ ମହାମାୟା ଆଦ୍ୟା,
ରସ ତତ୍ତ୍ୱେ ମା ତୁହି ଗୋଲକେଶ୍ୱରୀ ରାଧା l
ମହାଶକ୍ତି ପରମାଣୁ ବିଜ୍ଞାନ ବୋଲାଏ,
ମହାକାଳୀ ଧ୍ୱଂସମୟୀ ଶିବ ଶାସ୍ତ୍ର କହେ l
ଲୋକେ ଜାଣି ଵାକୁ ତୋର କାହିଁ କେତେ ନାଆଁ
କେଉଁ ନାମେ ଡାକିଲେ ତୁ ହେବୁ ସାହା ରାହା l
ନିରାଶ ଅନ୍ଧାର ମାଆଗୋ ଆଲୋକ ଦାୟିନୀ,
ଏ କଳି ଯୁଗେ ମାଲୋ ମଙ୍ଗଳା ତାରିଣୀ l
ନରାଧମ ଅକିଞ୍ଚନ ଅକ୍ଷୟ କୁମାର,
ତବ ନାମ ଗାଇ ସୁଧା ପାନ କରେ ନିରନ୍ତର l
କଳି କଳୁଷ ପଙ୍କରୁ କର ପରିତ୍ରାଣ,
ତୁମକ ଵିନା ନାହିଁ ଗତି ନାହିଁ ପରିତ୍ରାଣ l
