ମହାମାରୀ

ମହାମାରୀ ସାଜି କୋରନା ଆସିଛି

ନାଶିବ ମନୁଷ୍ୟ ପ୍ରାଣ,

କବଳରେ ତାର ନେଇ ସାରିଲାଣି

ସାରା ବିଶ୍ବ ଦେଶମାନ ।

ନ ରହିଲେ ସାବଧାନ...

ନିଜେ ନିଜ ଶତୃ ବୋଲି ହେବ ଗଣା

ମନେ ରଖ ଦେଇ ମନ ।

ସାବୁନରେ ହାତ ସଦା ଧୋଉଥିବ

ମୁଖେ କପଡାକୁ ଦେବ,

କାଶ, ଥଣ୍ଡା, ଛିଙ୍କ ଟିକେ ଜଣାଗଲେ

ଔଷଧ ଯାଇ ଆଣିବ ।

ଅନ୍ୟ କୁ ବୁଝାଇ ଦେବ...

କଥା ହେଲା ବେଳେ ଦୂରତାକୁ ରଖି

ନମସ୍କାର ଜଣାଇବ ।

ବାହାର ଦେଶରୁ ଯଦି ଆସେ କେହି

ସରପଞ୍ଚଙ୍କୁ କହିବ,

ରୋଗର ଲକ୍ଷଣ ସନ୍ଦେହ ଲାଗିଲେ

ଡାକ୍ତର ପାଖକୁ ନେବ ।

ନିଜେ ସଚେତନ ହେବ...

ଅନ୍ୟକୁ ଏକଥା ବୁଝାଇ କହିଲେ

ସଭିଏଁ ସୁସ୍ଥ ରହିବ ।