Library
Profile
ମହାବିଦ୍ୟା ମାଆ ଛିନ୍ନମସ୍ତା
ମହାବିଦ୍ୟା ମାଆ ଛିନ୍ନମସ୍ତା
ଜୟ କବନ୍ଧିକା ମା ଛିନ୍ନ ମସ୍ତିକା
ଜୟ ଜୟ ଭୟଙ୍କରୀ l
ନିଜ ହସ୍ତେ ନିଜ ରୁଧିର ପିଉଛୁ
ମସ୍ତକକୁ କାଟି କରି ll
ଜୟ ମା କରାଳୀ କର୍କଷି କଙ୍କାଳି
ଜୟ ମାଆ ଦିଗମ୍ବରୀ l
ବର୍ଣିନି ଡ଼ାକିନି ସହଚରୀ ବେନି
ତୋତେ ରହିଛନ୍ତି ଘେରି ll
କଟା ଶିରୁ ତୋର ତପତ ରୁଧିର
ତିନି ଧାରେ ଯାଏ ବହି l
ପିଆଇ ପିଉଛୁ ଖାଇ ଖୁଆଉଛୁ
ଯୋଗ୍ନୀଗଣେ ଯାନ୍ତି ପିଇ ll
ବିଗ୍ରହ ମା ତୋର ଅତି ଭୟଂକର
ଦେଖି ଛାତି ଥରିଯାଇ l
ପାପିଜନେ ଏକା ଦେଉ ତୁହି ଶଙ୍କା
ଜୟ ମା ମଙ୍ଗଳମୟୀ ll
ଜୟ କାମ୍ୟ କାମା ପରବତ ଜେମା<
/p>
ଆରୁଢ଼ା ଅନଙ୍ଗ ରତି l
କାମୀ ଜନମାନେ ପତଙ୍ଗ ପରାୟେ
ତୋ କୋପେ ଜଳିଯାଆନ୍ତି ll
ମାଆ ତ୍ରିନୟନୀ, ନୃମୁଣ୍ଡ ମାଳିନୀ
ଜୟ ତ୍ରିପୁର ପାଳିକେ l
ଯୋଗ୍ନୀଗଣ ଘେନି ବୁଲୁ ମା ଅବନୀ
ଜୟ ମନ୍ଦାର ମାଳିକେ ll
ତୋତେ ଧ୍ୟାନକରି ପୁତ୍ରଲଭେ ନାରୀ
ଅନ୍ଧ ଲଭଇ ନୟନ l
ଜୟ ମହାବିଦ୍ୟା ଦେଇଥାଉ ବିଦ୍ୟା
ଜ୍ଞାନ ଯଶ ଆୟୁ ମାନ ll
ଜୟ ରକ୍ତଦନ୍ତୀ ଦଶନୀ ଜୟନ୍ତୀ
ରକ୍ତ ବସ୍ତ୍ରା ରକ୍ତବର୍ଣ୍ଣି l
ଜୟ ମା ଶଙ୍କରୀ ଅମ୍ବିକା ଗଉରୀ
ନମସ୍ତୁତେ ନାରାୟଣୀ ll
