ମେଘ

 ମେଘମାଳା ତୁମ କୁନ୍ତଳା ସାଜେ

ଆଖିଏ ସରାଗ ଧରି

ହାଉଳେ ହାଲୁକା ବାତାୟନ ଫାଂକେ

ଉପଭୋଗ ମନ ଭରି ।

ଦୁନ୍ଧୁଭି ବାଦ୍ୟ ବିଦ୍ୟୁତ ବିଦୁଷୀ

ମଣ୍ଡନ ମଣ୍ଡୁକ ସ୍ତୁତି,

ଧୂଆଁ ଧୂସରର ପଣତ ଉଡେଇ

ଧାଇଁ ଆସ ଯେବେ କତି ।

ଚୁମ୍ବକ ତୁମ ଅଧର ଚୁମ୍ବନ 

ଅଙ୍କୁରିତ ମନ ପ୍ରାଣ

କମ୍ପନ ଖେଳେ ଦେହରୁ ଦେହୀକୁ

ବାସନା ବିଭୋର ଘ୍ରାଣ ।

ମହଲାର ଗାଇ ମହାର୍ଘ ମେଘଗୋ

ପ୍ରଣୟ ପଖରେ ରଙ୍ଗ

ପଂକିଳ ତଵ ପଙ୍କେଶୟ ପ୍ରୀତି

ପ୍ରକୃତି ପ୍ରେମିକ ସଙ୍ଗ ।

 ଆକାଶ ବିହଙ୍ଗ ଭାସମାନ ମେଘ

ଶୋଭାମୟୀ ମଉସୁମୀ

ତୁମ ପରସରେ ସରବେ ସରସ

ହରସ ଭୂମାରୁଭୂମି ।