ଲାଇବ୍ରେରୀ
ପ୍ରୋଫାଇଲ୍
ମଧୁମାସ
ମଧୁମାସ
1 min
114
ଦେହେ ବାଜିଲାଣି ଦକ୍ଷିଣା ପବନ
ଫଗୁଣ ଆସୁଛି ବୋଲି
କାନଡେରି ଶୁଣ ଆମ୍ର କାନନୁ
କୁହୁତାନ ଶୁଭିଲାଣି I
ଖୁସିର ବରଷା ଚଉଦିଗେ ଦେଖ
ବସିଛି ଗୋଲାପ ହାଟ
ପ୍ରତି ପାଖୁଡାରେ ଉଜ୍ଜ୍ୱଳ ଦିଶୁଛି
ସଖୀ ତୁମ ଚିତ୍ରପଟ I
ଜ୍ୟୋତ୍ସ୍ନାରେ ଭିଜୁଛି ତନୁ ବଲ୍ଲରୀ
ପ୍ରୀତିରେ ଭିଜେ ମୋ ମନ
ଇସାରାରେ ମୋତେ ଡାକୁଛି ତୁମର
ଉଛୁଳା ଯଉବନ I
ଫୁଲରେ ଫୁଲରେ ରଙ୍ଗର ପସରା
ଆଖିରେ ଆଖିଏ ହସ
ତୁମପାଇଁ ସଖୀ ଏ ମର୍ତ୍ତ୍ୟ ଭୂବନେ
ଆସିଗଲା ମଧୁମାସ I
