ଲାଇବ୍ରେରୀ
ପ୍ରୋଫାଇଲ୍
ମୌସୁମୀ
ମୌସୁମୀ
1 min
389
ମୌସୁମୀ
ଏକ ଓଦା ଜୁଡୁବୁଡୁ କଳ୍ପନା
କିଛି ସନ୍ତସନ୍ତିଆ ଭାବନା
ଗୋଳିପାଣି ଭରା ଅଗଣା
କେବେ ଆଶାର ସ୍ୱପ୍ନିଳ ଠିକଣା
ଅବା ବେହିସାବୀ କର୍ମର ଯାତନା...।
ମୌସୁମୀ
ବହୁ ପ୍ରତୀକ୍ଷାର ମୃଦୁ ଆଶ୍ୱାସନା
କିଛି ମୁହଁ ଫୁଲା ଫୁଲି ମନ୍ତ୍ରଣା
କେବେ ତୃଷିତ ପ୍ରାଣର ବିଛଣା
ପୁଣି ଭିଜା କଳେବର ଯନ୍ତ୍ରଣା
ଏକ ଭାଙ୍ଗି ସଳଖିବାର ବାହାନା....।
ମୌସୁମୀ
ଏକ ଅତୀତ କର୍ମର ଗଞ୍ଜଣା
କେବେ ପ୍ରେମ ପୁଣି କେବେ ପ୍ରତାରଣା
କେବେ ସୁଖ କେବେ ପୁଣି ଛଳନା
କିଛି ଅପୂର୍ଣ ତୃଷିତ ବାସନା
କିଛି ଉଜାଡ଼ି ଦେବାର ଯୋଜନା....।
ମୌସୁମୀ
କେବେ ବିସ୍ମିତ ତତଲା ଭାବନା
କେବେ ଜଳଶୁନ୍ୟ ଏକ ମନ୍ତ୍ରଣା
ଭସା ବାଦଲର ହଜିଲା ଠିକଣା
ତୃଷ୍ନା ଓଠରେ ଶୁଖିଲା ମଦିରା
ପୁଣି ମିଛ ଖୋଜିବାର ବାହାନା....।
