ମୌସୁମୀ
ମୌସୁମୀ
ମୌସୁମୀର ପାଦ ଆଜି ଟଳମଳ
ଭଲଲାଗେ ଖେଳିବ ଲୁଚକାଳି ଖେଳ
ଝୁରୁଛି ବରଷା ଝୁରୁଛି ମେଘ ଦେଖି କୌଶଳ
ପଚାରୁନି ମୌସୁମୀ କାହିଁ କାର କୁଶଳ
ମୌସୁମୀ ଆସିବୁ ବୋଲି ହରିବୋଲ
ହୁଳହୁଳି କରତାଳି ଝାଞ୍ଜିଖୋଳ
ତୁ ସୁନା ରୂପା ନା ପିତ୍ତଳ
କାହିଁ ଆନମନା କରୁ ଗୋଳମାଳ
କୃଷକ ବସିଛି ସଜାଡ଼ି ଦଉଡ଼ି ଲଙ୍ଗଳ
ତୁ ଆସିଲେ ବରଷିବ ମେଘ ତତ୍କାଳ
ମୁନା ମୁନି ଡଙ୍ଗା କାଗଜ ଖୋଳ
ସଜାଡନ୍ତି ରଫଖାତା ଚିରି ଭାସାଇବେ
ଗରଜିଲେ ମେଘର କରାଳ
ମୌସୁମୀ ଦେଖାଏ ଛଟା କରି ଗୋଳମାଳ
ଧରଣୀରେ ସିଞ୍ଚିଦେ ଅମୃତର ବାରି ଜଳ
ମୌସୁମୀ ତୁ ଦେଖାନା ଆଉ ବାରମାସୀ
ଏଣ୍ଡୁଅର ଖୋଳ ଅବା ଶୁଖା ଶୁଖା ଚାଳ
ତୁପରା ଚିରସାଥି ମଣିଷର କାଳ କାଳ ।