ଲାଇବ୍ରେରୀ
ପ୍ରୋଫାଇଲ୍
ମାୟାଧର
ମାୟାଧର
1 min
134
ମାୟାଧର ମୋର ମାୟାରେ ତାହାର
ମନକୁ ଚୋରେଇ ନେଲା
ରହି ପାରୁନାହିଁ ତାର ବିନା ମୁହିଁ
କାହାକୁ କହିବି ଭଲା ॥୦॥
କେଡେ ସରାଗରେ ଅସୀମ ଆଶାରେ
ଲଗାଇଥିଲି ମୁଁ ଭାବ
ତାହାର ଭାବରେ ବାଇ ହୋଇଗଲି
ପାଉନାହିଁ ତାର ଠାବ
କାହିଁକି କେଜାଣି ସବୁ ଜାଣି ଶୁଣି
ଅଣଦେଖା ମୋତେ କଲା ॥୧॥
ଅଭାବ ସଂସାରେ ଭାବ ଲଗାଇଛି
କାହିଁକି କରୁଛ ବାଦ
ବଜାଇ ବଇଁଶୀ ମୃଦ ମୃଦ ହସି
ଦେଖାଦିଅ ପଦ୍ମପାଦ
ପ୍ରାଣ ଗଲେ ଯାଉ ଡର ନାହିଁ ଆଉ
ତୋସାଥେ ଭାବ ରହିଲା ॥୨॥
