ମାୟାବିନୀ
ମାୟାବିନୀ
ମାୟାବିନୀ ବୋଲି କାହାକୁ କହନ୍ତି
କହିକି ପାରିବ କହ ?
ନିସ୍ତାର ମିଳିବ କିପରି ତାହାଠୁ
ଏ ଉତ୍ତର ଏବେ ଦିଅ ।୧।
ମାୟାବିନୀ ବୋଲି ବୋଲନ୍ତି ଯାହାକୁ
ବିସ୍ତାରଇ ନିଜ ମାୟା ।
ମାୟାରେ ମୋହିତ କରଇ ସଭିଙ୍କି
ଦେଖାଇ ନିଜର କାୟା ।୨।
ମାୟାବିନୀ ମାୟା ଅଟଇ ଏପରି
ଭଗବାନଙ୍କୁ ଭୁଲାଏ ।
ମନ ଯେବେ ରହେ ମାୟାବିନୀ ପାଶେ
ସହଜେ ଆୟତ୍ତ ନୋହେ ।୩।
ନେତ୍ର କଟାକ୍ଷରେ ହାବ ଭାବ ତଥା
ନିଜ ରୂପ ଲାବଣ୍ୟରେ ।
ବଶୀଭୂତ କରି ମାୟାବିିନୀ ନିଶ୍ଚେ
ମାରଇ ମୃତ୍ଯୁରୂପରେ ।୪।
ମାୟାଜାଲେ ତାର ପଡିଗଲେ ଥରେ
ହଜିଯାଏ ବୁଦ୍ଧିଜ୍ଞାନ ।
ବର୍ତ୍ତିବ ତାଠାରୁ କିପରି କହୁଛି
ଜଗାଅ ବିବେକ ଜ୍ଞାନ ।୫।
ବିବେକ ଜ୍ଞାନକୁ ଜାଗ୍ରତ କରିଲେ
ମାୟାବିନୀକୁ ଚିହ୍ନିବ ।
ତିହ୍ନିଲେ ତାହାକୁ ସେହି ମାୟାବିନୀ
ତୁମ ପାଶୁ ଦୂର ହେବ ।୬।
ପୁରୁଷ ଅଟଇ ଜ୍ଞାନର ସ୍ୱରୂପ
ଭକତି ଅଟଇ ନାରୀ ।
ମାୟାବିନୀଠାରୁ ହଟିବ କହ ସେ
ପୁରୁଷଟି କେଉଁପରି ? ୭।
ପରମ ବୈରାଗୀ ହୋଇଲେ ପୁରୁଷ
ମାୟାବିନୀଠୁ ଦୂରରେ ।
ରହିବ, କେବଳ ଭକତି ବଳରେ
ମାତ୍ର ଅତି ସହଜରେ ।୮।
ମାୟାପାଶୁ ଦୂରେ ରହଇ ଭକତ
ନାହିଁ ଏଥିରେ ସନ୍ଦେହ ।
ପରମାର୍ଥୀ ନୋହି ମାୟାବିନୀ ସଙ୍ଗ
ଜୀବନ ନାଶେ ନିଶ୍ଚୟ ।୯।