Library
Profile
ମାଟି ନୁହଁ ସେ "ମା" ଟି
ମାଟି ନୁହଁ ସେ "ମା" ଟି
ନିଦାଘର ରୌଦ୍ର ତାପ
ଆଉ ହାଡ ଭଙ୍ଗା ଶୀତର ପ୍ରକୋପ
କିଛି ବି ଫରକ ନଥାଏ ମୋ ପାଇଁ
କାରଣ କୃଷକ ମୁଁ
ମାଟିର ମଣିଷ ମୁଁ l 1 l
ସକାଳରୁ ସଞ୍ଜ
ସମାନ ମୋ ପାଇଁ
କ୍ଷେତ ମୋ କର୍ମଶାଳା
ସବୁ ଦୁଃଖ ଆଉ ସୁଖକୁ ଏକାକାର କରେ
ଆଉ ମାଟିରେ ସୁନା ଫଳାଏ l2l.
ଅନ୍ନ ଯୋଗାଏ ମୋ ପରିବାରକୁ
ଅନ୍ନ ଯୋଗାଏ ମୋ ଦେଶକୁ
ନଥାଇ ସ୍ୱାର୍ଥ ନଥାଏ ଭେଦଭାବ
ଆଉ ଧନୀ ହେବାର ଅଭିଳାଷ
କର୍ତ୍ତବ୍ୟ ମୋ ଈଶ୍ୱର କ୍ଷେତ ମୋ ମନ୍ଦିର
ଆଉ ମାଟି ପାଣି ପବନ ତ ମୋ ଅତି ନିଜର l3l.
କେବେ ଆଶା କରିନି ସରକାରୀ
ଦୃଷ୍ଟି
ଟଙ୍କିକିଆ ଚାଉଳ ଆଉ ସହାୟତା ରାଶି
ଶ୍ରମ ମୋ ଭରସା ଦେଶ ବାସୀ ମୋ ବିଶ୍ୱାସ
ଛାତି କୁ ବଜ୍ର କରି ମାଟି ସହ ମାଟି ହେଇ
ସୁନା ଫଳାଏ ମୋ ଦେଶ ପାଇଁ
ମୋ ଦେଶ ପାଇଁ l4l.
ଏ ମାଟି ମୋ ସାହସ ଏ ମାଟି ମୋ ବିଶ୍ୱାସ
ଏ ମାଟି ମୋ ସପନ ଏ ମାଟି ମୋ ଦେଶ ଜୀବନ
ହେ ଶିଳ୍ପପତି ହେ ପୁଞ୍ଜିପତି ହେ କ୍ଷମତାଧିକାରୀ
ଏ ମାଟି କୁ କେବେ ଉପହାସ ନ କର
କାରଣ ମାଟି ନୁହଁ ଏ "ମା" ଟି ଆମର l5l.
