ମାଟି ମାଆ ହସେ

ଆକାଶ ହସେ ଯେବେ ଜହ୍ନଟି ଉଠେ           

ବଗିଚା ହସେ  ଯଦି ଫୁଲଟି ଫୁଟେ |          

 

ବସନ୍ତ ହସେ  ଯଦି କୋଇଲି ଗାଏ            

ପ୍ରକୃତି ହସେ  ଯଦି ମଳୟ ବହେ  |          

 

ବନ୍ଧୁତା ହସେ  ଯଦି ପୁଲକ ଭାଷେ           

ଫସଲ ହସେ  ଯଦି ମେଘ ବରଷେ  |         

 

ଘରଟି ହସେ  ଯଦି ପିଲାଟି ଆସେ            

ଆହାର ହସେ  ଯଦି  ମାଆ ପରଷେ  |        

 

ଜଙ୍ଗଲ ହସେ  ବୃକ୍ଷ ରୋପଣ କଲେ          

ପାହାଡ଼ ହସେ  ଝରଣାର କଳ କଳେ |        

 

ନଈଟି ହସେ  ଜୀବକୁ ଜଳ ଦେଇ            

ବୃକ୍ଷଟି ହସେ  ଜଗତକୁ ଫଳ ଦେଇ |          

 

ମନ୍ଦିର ହସେ  ଭକ୍ତି ମନ୍ତ୍ର ଉଚ୍ଚାରଣେ           

ସାଗର ହସେ  ସଭିଙ୍କୁ ଖୁସି ଦାନେ |         

 

ସଂସାର ହସେ ଯଦି  ମିଳଇ ମନ             

ମାଟି ମାଆ ହସେ କଲେ  ଦେଶର କାମ  |