ମାତୃଭାଷା
ମାତୃଭାଷା
ସୁନ୍ଦର ଆମ ମାତୃଭୂମି
ସୁନ୍ଦର ଆମ ମାତୃଭାଷା
ସୁନ୍ଦର ଆମ ଜନ୍ମଭୂମି
ସୁନ୍ଦର ଆମ ପରିଭାଷା ।
ନଦ ନଦୀ ଆମ ସୁନ୍ଦର
ପ୍ରଥା ପରମ୍ପରା ଆମ
କେଡେ ମହତ୍ତର
ଆମ ଚଳଣି ଆମ ସଂସ୍କୃତି
କେତେ ମହନୀୟ
ଆମ ଜାତି କେତେ
ମହାନ୍ ଓ ବନ୍ଦନୀୟ
ମଧୁ ଗୋପବନ୍ଧୁ ଏ ମାଟି ସନ୍ତାନ
ଯା ପାଇଁ ପୁଣି ଏ ମାଟି ମହାନ
କେତେ ଘାତ ପ୍ରତିଘାତ ଦେଇ
ସୃଷ୍ଟ ଆମ ଏ ଓଡିଶା
ଆମ ପାଇଁ ବଡ ଆମ ମାତୃଭାଷା ।
ଏ ମାଟି ସନ୍ତାନ କେତେ ଯେ ମହାନ
ଭୀମ ଭୋଇ ପରା ଏ ଜାତି ସମ୍ମାନ
ଜାତୀୟ କବି ବୀରକିଶୋର
ଇଂରେଜ ଜାତିକୁ କଲେ ଥରହର
ପଞ୍ଚସଖା ଥିଲେ ଏ ମାଟିର ମଣିଷ
ଯା ପାଇଁ ଏ ମାଟି ବିଶ୍ଵେ ଗର୍ବିତ
ବିଶ୍ଵେ ଥାଉ ଅବା ଯେତେ ଭାଷା
ସବୁଠୁ ଶ୍ରେଷ୍ଠ ମୋ'ର ମାତୃଭାଷା ।
ମୋ'ର ପରିଚୟ ମୋ' ଜାତି
ମୋ ଭାଷାରୁ ମୋ ପ୍ରଦେଶର ସୃଷ୍ଟି
ଏଇ ଭାଷା ମୋ'ର ବିଶ୍ଵାସ ଓ ଆଶା
ମୋ ଜଙ୍ଗଲ ଜମି କୁହେ ମୋ ଭାଷା
ମୋ ନଦ ନଦୀ ମୋ'ର ଆଶା ଓ ଭରସା
ଶାନ୍ତି ମୈତ୍ରୀ ର ଅଟେ ପରିଭାଷା
ବିନାଶ ବିଦ୍ଵେଷେ ନ ରଖେ ଭରସା
ଏଇ ମାତୃଭୂମି ମୋ ମାତୃଭାଷା ।
ହେଉ ପଛେ ମୋ ପ୍ରଦେଶ ଗରିବ
ପେଟ ପାଇଁ କେବେ ଭିକ ନ ମାଗିବ
ଉଡିଯାଉ ପଛେ ଏ ଜାତିର ହଂସା
ସ୍ଵାଭିମାନ ଆତ୍ମସମ୍ମାନ ପାଶେ
ନ ହୁଏ ସେ କେବେ ଲୋକହସା
ଜାତିର ସମ୍ମାନ ମାଟିର ସମ୍ମାନ ପାଇଁ
ଏ ଓଡ଼ିଆ ଜାତିଟା ଭୁଲେନା ତା ନିଶା
ଖରା,ଶୀତ କାକର ଅବା ବରଷା
ତା ମାଟି ମା କୁ କରି ଭରସା
କଟାଏ ଏ ମାଟିର ସନ୍ତାନ ପାଇଁ
ତା ଜୀବଦ୍ଦଶା
ପଣ କରିଛି ସେ ମାଟି ମା ପାଇଁ
ପ୍ରାଣ ବଳି ଦେଇ ବିତାଇବ ଜୀବନର ଆଶା
କେତେ ଭାଷା କେତେ ପରିଭାଷା ନେଇ
ଗଠିତ ଆମ ଏ ସମୃଦ୍ଧ ସମ୍ପନ୍ନ ମାତୃଭାଷା ।