ମାତୃଭାଷା ଦିବସ ଉପଲକ୍ଷେ
ମାତୃଭାଷା ଦିବସ ଉପଲକ୍ଷେ
ଫେବୃଆରୀ ଏକୋଇଶି ତାରିଖଟି
ଭାଷା ଦିବସ ଯେ ଜାଣ
ମାତୃଭାଷା ମୋର ଓଡ଼ିଆ ଅଟଇ
ଓଡ଼ିଶାରେ ମୋର ଜନ୍ମ ।
ମାତୃଭାଷା ମାତୃଭୂମିର ମମତା
କେବେହେଲେ ନ ଭୁଲିବା
ପୂର୍ବ ପୁରୁଷଙ୍କ ତ୍ୟାଗ, ଆଦର୍ଶକୁ
ସଦା ମନେ ରଖିଥିବା ।
କେତେ କଷ୍ଟ କରି ଭାଷା ସାହିତ୍ୟକୁ
ଦେଇ ଅଛନ୍ତି ପ୍ରାଧାନ୍ୟ
ଗୋପାଳ ଚନ୍ଦ୍ର ପ୍ରହରାଜ ଓ ବ୍ୟାସ
କବି ଫକୀର ମୋହନ ।
ରବୀନ୍ଦ୍ର ନାଥ ଠାକୁର୍, ଗୋପବନ୍ଧୁ
ହରେ କୃଷ୍ଣ ମହତାବ
ଓଡ଼ିଆ ଭାଷାର ବିକାଶର ପାଇଁ
କରିଥିଲେ କେତେ କଷ୍ଟ ।
ଆମେ ରେ ଓଡ଼ିଆ, ବହୁତ ବଢ଼ିଆ
ମିଠା ଆମ ମାତୃଭାଷା
ଯୌଥ ପରିବାର, ସଂସ୍କୃତି ସଭ୍ୟତା
ଗୌରବ କରିଛେ ରକ୍ଷା ।
ପବିତ୍ର ଉତ୍କଳ, ପବିତ୍ର ମୋ ଭାଷା
ତାର ସମ୍ମାନ ରଖିବା
ଯେଉଁଠି ବି ରୁହ ଯାହା କାମ କର
ଗର୍ବେ ଓଡ଼ିଆ କହିବା ।
ଯାହାର ସମ୍ମାନ ହେବ ବୋଲି ନଷ୍ଟ
ଯୁଦ୍ଧ କଲେ ଜଗନ୍ନାଥ
ଗଜପତି ଙ୍କର, ଜୟ ହେଲା,
କାଞ୍ଚି ରାଜା ହେଲେ ପରାଜିତ ।
ଚାରୁ ଶିଳ୍ପ କଳା କୋଣାର୍କ ମନ୍ଦିର
ବିଶ୍ୱେ ପ୍ରସିଦ୍ଧ ଅଟଇ
ପଥରରେ ଶିଳ୍ପୀ ମନର କଥାକୁ
ଖୋଦିତ କରି ପାରଇ ।
ଓଡ଼ିଶାର କୀର୍ତ୍ତିରାଜି ଇତିହାସେ
ରହିଛି ଅମର ହୋଇ
ମାଆ, ମାଟି, ଆଉ ମାତୃଭାଷା ପ୍ରୀତି
ମନରୁ ଭୁଲିବା ନାହିଁ ।