ମାର୍ଗଶିରରେ ପଲ୍ଲୀର ଦୃଶ୍ୟ
ମାର୍ଗଶିରରେ ପଲ୍ଲୀର ଦୃଶ୍ୟ
ମାର୍ଗଶିର ମାସ ଉପନୀତ ହେଲା
ସଞ୍ଜରେ ପଲ୍ଲୀର ଦୃଶ୍ୟ
ନିଆଁ ପୋଇଁ ହେବା ଦୂରରୁ ଦିଶୁନି
କେ'ଡାକେନି ପାଖେ ବସ।୧
କୀର୍ତ୍ତନ କରିବା ଠାକୁର ଅଗଣା
ଖାଲି ଦିଶେ ଖାଆଁଖାଆଁ
ବୁଢ଼ାବୁଢ଼ୀମେଳେ ନାତି ନାତୁଣୀ ବି
ବସୁନି ସାଙ୍ଗରେ ଛାଆଁ?୨
ସଂଜର ଆସର ଲୁଚିବା ହେଲାଣି
ପରମ୍ପରା ଯାହା ଥିଲା
ପଲ୍ଲୀ ଦୃଶ୍ୟ ତେଣୁ ମୂକ ପରି ଉଭା
ଯାହା ଦିନେ ଶୁଭ ପାଲା?୩
ଭାଗବତ ଟୁଙ୍ଗି ତାଲା ପଡ଼ିଅଛି
କାହାର ମୁହେଁ କି ଫୁଟେ
ଶୁଣିବା ଲୋକ ବି କାତର ପଣରେ
ଘରୁ ନ ବାହାରେ ମୋଟେ।୪
କର୍ମ କୋଢି ଆଜି ସମସ୍ତେ ନୀରବ
ଧରିକି ଫୋନ୍ ଗୋଟିଏ
ଏ ପଲ୍ଲୀ ଦୃଶ୍ୟକୁ ମାରି ଦେଉଅଛୁ
ନୀଚ ମନ ତ କୋଟିଏ।୫