ମାନିବା

ପିଲାମାନେ ଚେଷ୍ଟା କରି ପାଟିରେ ପକାଇବା ତାଲା 

ତାହା ଖୋଲିଗଲେ ବାହାରିବ ସୁଦିଷ୍ଟ ଭାଷା ନୁହେ ଚଗଲା ।

                                                                        

ଧୀର ସ୍ଥିର ନମ୍ର ଇତ୍ୟାଦି ହେବ ତୁମମାନଙ୍କ ସବୁବେଳେ ପ୍ରେୟ 

ନହେଲେ ସଂସାରରେ ବହୁତ କଷ୍ଟ ପାଇବା ହେବ ଘୋର ଅନ୍ୟାୟ ।

ବଡ଼ଙ୍କୁ ସମ୍ଭାନ ପୁଣି ସାନମାନଙ୍କୁ ସ୍ନେହ କରିବ ସଦା ସ୍ମରଣ 

ନହେଲେ ଜୀବନ ଗତିପଥେ ନିଶ୍ଚୟ ଜାଣ ଘଟିବ ଅଘଟଣ ।

କହିବା ଅପେକ୍ଷା ବେଶୀ ଶୁଣିବା ହେଉ ତୁମ କର୍ତ୍ତବ୍ୟ ଜାଣ 

ତୁମର ପାଟି ଯେବେ ଖୋଲିବ ସବୁ ଏକାଠି ତାର ଅଛି ପ୍ରମାଣ ।

ପରନିନ୍ଦା କେବେ କରିବନିତୁମେ କାହାର ଅନୁପସ୍ଥିତି ରେ 

ଏମିତି କଲେ ଦିନେ ଲାଗିବ ଝଗଡା ସମସ୍ତଙ୍କ ଉପସ୍ତିତିରେ ।

ପିଲାମାନେ ତୁମେ ବଜାୟ ରଖିବ ତମ ବଚନ ଓ କର୍ମ   

ସେତିକି କରିନପାରିଲେ ହୋଇଯିବ ବଡ ଅଧର୍ମ ।

ସଂସାରେ ସର୍ବଦା ଦାତାପଣ ରଖି ରଖ ଉଦାହରଣ 

ଗ୍ରହୀତାପଣ କୁ ତ୍ୟାଗ କରି ଗରିବଙ୍କ ପ୍ରତି ହୁଅ କରୁଣ।

ଆମ୍ଭମାନଙ୍କ ଆଶୀର୍ବାଦ ନିଶ୍ଚେ ସମସ୍ତଂକଠି ଫଳିବ 

ବିଧି ନିଶ୍ଚେ ତୁମ୍ଭମାନଙ୍କୁ ବଡ଼ମଣିଷ କରିଦେବ ।