ମାଙ୍କଡ ଓ କୁମ୍ଭୀର

ଜାମୁ ଗଛ ଅଛି ନଦୀର କୂଳେ,

ମାଙ୍କଡ ଖେଳନ୍ତି ସେ ଗଛ ଡାଳେ ।

ଜାମୁ ଗଛେ ଯାହା ଫଳଇ କୋଳି,

ମାଙ୍କଡ ଖାଆନ୍ତି ସେ ଗଛୁ ତୋଳି ।

ଆଉ ଯେଉଁ କୋଳି ପଡଇ ତଳେ,

ସବୁ ପଡ଼ିଯାଏ ନଦୀର ଜଳେ ।

ନଦୀ ମଧ୍ୟେ ରହେ କୁମ୍ଭୀର ଟିଏ,

କିଛି କିଛି କୋଳି କୁମ୍ଭୀର ଖାଏ ।

ବସି ବସି ଦିନେ ଭାବେ କୁମ୍ଭୀର,

ଜାମୁ କୋଳି ଫଳ ବଡ଼ ମଧୁର ।

କୁମ୍ଭୀର ଆସିଲା ନଦୀ କୂଳକୁ,

ବନ୍ଧୁତ୍ୱ ପ୍ରସ୍ତାବ ଆଗେ ଦେବାକୁ ।

ମାଙ୍କଡ ସମ୍ମୁଖେ ପ୍ରସ୍ତାବ ଥୋଇ,

ବସିଲା ମାଙ୍କଡ ମୁହଁକୁ ଚାହିଁ ।

ମାଙ୍କଡ଼ଟି ଶୁଣି ଚିନ୍ତା କରିଲା

କୁମ୍ଭୀର ସହିତ ବନ୍ଧୁ ବାନ୍ଧିଲା ।

କୁମ୍ଭୀର ହୋଇଲା ସେଥିରେ ଖୁସି

ଦୁହେଁ କଥା ହେଲେ ଖୁସିରେ ବସି ।