ମାନବିକତା

ମାନବ ଶବ୍ଦରୁ ମାନବିକତା ସୃଷ୍ଟି

ଯଦି ଥାଏ ପରା ପ୍ରତି ଦୟା ଦୃଷ୍ଟି ll

ପରର ବିପଦେ ସାହା ହୁଏ ଯିଏ

ମାନବିକତାର ପରିଚୟ ଦିଏ ll

ବୃଦ୍ଧ, ଶିଶୁ ଅବା ଅସହାୟ ଜନ

ଯଥୋଚିତ କର୍ମ କରେ ସମ୍ପାଦନ ll

ଯୋଗୀ ଭିକାରୀଙ୍କୁ ଦ୍ୱାରୁ ନ ଫେରାଏ

ଅତିଥି ସମ ଆଚରଣ କରିଥାଏ ll

ଗୁରୁଜନେ ଭକ୍ତି ସ୍ନେହ ଲଘୁ ଜନେ

ବାଣ୍ଟିପାରେ ଯିଏ ଅକୁଣ୍ଠିତ ମନେ ll

ସାହି ପଡିଶାଙ୍କ ବିପତ୍ତି ସମୟେ

ସହାୟ ହୁଅଇ ନିଜର ପରାୟେ ll

ସମାଜ ସ୍ୱାର୍ଥରେ ଦିଏ ଜଳାଞ୍ଜଳି

ଭଲମନ୍ଦ ସବୁ ନିଅଇ ଆଦରି ll

ନିଜ ଜୀବନକୁ ଘୋରି ଘୋରି ଯିଏ

ପଥ ପ୍ରଦର୍ଶକ ଅନ୍ୟର  ହୁଏ ll

ହିଂସା, ରାଗ, ଦ୍ୱେଷ ଜୀବନ ଶତ୍ରୁ

ତେଜିବ ଏହାଙ୍କୁ ଜୀବନ ରଥୁ ll

ମାନବିକତାର  ପରିଚୟ  ଏହି

ନୋହିଲେ ସଂସାରେ ଅମଣିଷ ହିଁ ll