ମାନବ ସେବା ହିଁ ମାଧବ ସେବା

ଯଜ୍ଞ ଜପ ତପ ଯେତେ କରୁଥାଅ ନିର୍ମଳ ନ ଥିଲେ ମନ,

ଅହଙ୍କାରୀ ଗର୍ବୀ ସ୍ଵାର୍ଥପର ହେଲେ ବୃଥାହୁଏ ଈଷ୍ଟ ଧ୍ୟାନ |

ଭଜନ କୀର୍ତ୍ତନ ଯେତେ କରୁଥାଅ ନାହିଁ ଯଦି ତ୍ୟାଗ-ଭାବ,

ସେବା ମନୋବୃତ୍ତି ନଥିଲେ ହୃଦୟେ ଦେଖେଇ ହେଲେ କି ଲାଭ ?

ଅସହାୟ ପାଇଁ ଆମ ହୃଦୟରେ ନଥିଲେ କରୁଣା ଭାବ,

ପର ଉପକାରେ ସମୟ ନଦେଲେ ହାତରୁ ସୁଯୋଗ ଯିବ |

କିହେବ ଆମର ଶିକ୍ଷା-ଦୀକ୍ଷା ଥାଇ ପରଦୁଃଖ ନ ବୁଝିଲେ,

କି ଲାଭ କାହାର ଖାଇଯିବେ ଚୋର ଧନ ଠୁଳ କରିଥିଲେ |

 

ଦେହରେ ମନରେ ବଳଥିଲେ ତାକୁ କାମରେ ଲଗାଉଥିବା, 

ନିଜର ବଳକୁ ଅପଚୟ କଲେ କାହାକୁ ବା ଦୋଷ ଦେବା ?

ଜ୍ଞାନ-ବୁଦ୍ଧିଥିଲେ କାହାକୁ କେମିତି ଉପାୟ ବଟେଇ ଦେବା,

ମାନବ ସେବା ହିଁ ମାଧବଙ୍କ ସେବା ଏ'କଥା ମନେ ରଖିବା |

ଈଶ୍ଵର ଆମକୁ ସବୁ ଦେଇଛନ୍ତି ଆମେ ହିଁ ତାଙ୍କରି ଦୂତ,

କିଛି ନଦେଇ ଯେ ଖାଲି ନେଉଥାଏ ତାକୁ କୁହାଯିବ ଭୂତ |