ମାେ ପ୍ରାର୍ଥନା ର ପରିଭାଷା

ହେ ଈଶ୍ୱର

ମାେ ପ୍ରାର୍ଥନା ହେଉ

ମାେ ଆରାଧନା

ମାେ ଆତ୍ମାର ନୈବେଦ୍ୟ

ମୋ ପ୍ରତ୍ୟେକ ମୁହୁର୍ତ୍ତ

ତବ ସାନ୍ନିଧ୍ୟ ରେ କଲି ଉତ୍ସର୍ଗ

ହେ ଈଶ୍ୱର

ତୁମ ସଚରାଚର ବ୍ରହ୍ମାଣ୍ଡ

ଦୁବ ମହାଦ୍ରୁମ

ସମ୍ଭବ ଅସମ୍ଭବ

ଅାସ୍ତିକ ନାସ୍ତିକ

ଇଚ୍ଛା ଅନିଚ୍ଛା

ମୋର ସମଗ୍ର ସତ୍ତା

ତୁମ ପାଖେ ସମର୍ପିତ

ହେ ଈଶ୍ୱର

ମାେ ଅଖଣ୍ଡ ବିଶ୍ୱାସ

ମୋର ମୁଁ ର ଅହଂ

ମାେ ପ୍ରତିଟି ପଲକ

ମାେ ହୃତ୍ ସ୍ପନ୍ଦନ

ମାେ ଭାଵନା ର ବ୍ୟାପ୍ତ ପରିଧି

ତୁମ ପାଖେ ବନ୍ଧନ ଯୁକ୍ତ

ହେ ଈଶ୍ୱର

ମାେ ପାପ ପବିତ୍ରତା

ମାେ ମଣିଷ ତ୍ୱ

ମାେ ହିଂସା କ୍ରୋଧ

ମାେ ପଶୁତ୍ୱ ର ଖୋଳପା

ତୁମ ଯଜ୍ଞ କୁଣ୍ଡରେ ନିକ୍ଷେପିଲି

ହେ ଈଶ୍ୱର

ତୁମେ ଏକ ଆଉ ଅଦ୍ୱିତୀୟ

ତୁମେ ମୋ ସ୍ବାର୍ଥ ସର୍ବସ୍ବ

ତୁମେ ମୋ ପରମ ତୃପ୍ତି

ତୁମେ ହିଁ ମାେ ଭିତରେ

ଚେତନା ର ଉତ୍ସ

ମୋର ଶତ ଶତ ପ୍ରଣିପାତ

ହେ ଈଶ୍ୱର

ମୁଁ ନଶ୍ୱର

ଉପେକ୍ଷିତ ଅନାବୃତ

ନିସଙ୍କୋଚ

ଅନଭିଜ୍ଞ

ଶବ୍ଦ ବନ୍ଧନୀ ର କ୍ରୀତଦାସ

ମାେ ଅବଚେତନ ସ୍ନାୟୁ ତନ୍ତ୍ରୀ

ଶରୀର ରୂପୀ ପ୍ରାଣପକ୍ଷୀ

ପୂର୍ଣ୍ଣ ପ୍ରାଣରେ ନିମ୍ମଜୀତ ଭୃତ୍ୟ ।।