ମାଆ

ମାଆ ଶବ୍ଦ ମାତ୍ର ଦୁଇଟି ଅକ୍ଷର

ମହତ୍ତ୍ୱ ବର୍ଣ୍ଣିବା ସାମର୍ଥ୍ୟ କାହାର ?

ମୋ ଜୀବନେ ସିଏ ସୃଷ୍ଟିର ଆଧାର

ତା ବୁକୁ ଅମୃତ ଶକତି ମୋହର ।

ତା ପଣତ ମୋର ଛାତ ସୁରକ୍ଷାର

ତା କୋଳ ସତେକି ମୋର ସ୍ୱର୍ଗପୁର ।

ସ୍ନେହ ମମତାର ସେ ବିଶ୍ୱ ଭଣ୍ଡାର

ତା ହାତ ପରଶ ସଂଜୀବନି ମୋର ।

ତ୍ୟାଗ ତିତୀକ୍ଷାର ସେ ଯେ କୋଷାଗାର

ଅକ୍ଷତ ସର୍ବଦା ତା'ର ସୁବିଚାର ।

ଦୟା,କ୍ଷମା ଗୁଣେ ସେ ସ୍ୱଚ୍ଛ ନିର୍ଝର

ତା ପରଶା ଖୋଜେ ହୃଦ ନିରନ୍ତର ।

ଏତିକି ବୁଝିଛି ମୋ ପ୍ରାଣ ଅନ୍ତର

ମାନବୀ ରୂପେ ସେ ଦେବୀ ସଂସାରର ।