ମାଆ ତୁ ଆସିବୁ ବୋଲି
ମାଆ ତୁ ଆସିବୁ ବୋଲି
କାଶତଣ୍ଡି ଫୁଲ ଇଶାରା ଦେଲାଣି
ମାଆ ତୁ ଆସିବୁ ବୋଲି ।
ନାଲି ପାଟ ଶାଢ଼ୀ ସାଇତି ରଖିଛି
ତତେ ସଜେଇବି ବୋଲି ।
ପାଦେ ନାଇ ଥିବୁ ନାଲି ଅଳତାକୁ
ଅଙ୍ଗେ ନାଲି ପାଟ ଶାଢ଼ୀ ।
ସିନ୍ଦୂର ମୁହିଁ ମା ନାଇବୁ ସିନ୍ଦୂର
ହାତେ ପୁଣି ନାଲି ଚୁଡି ।
ଗଳାରେ ନାଇକି ଅଷ୍ଟ ରତ୍ନ ହାର
ସଜ ହେଇଥିବୁ ତୁହି ।
ତୋର ଶୋଭା ରୂପ ଦେଖିକି ମାଆଲୋ
ଖୁସି ହେଉଥିବି ମୁହିଁ ।
ଦୁର୍ଗତି ନାସିନି ଅଭୟ ଦାୟିନୀ
ବିଜେ ହେବୁ ଧରା ପରେ ।
ହରିବୁ ଯାତନା ଭରି ଦେବୁ ଖୁସି
ସୁଭାଶିଷ ଢାଳି ଶିରେ ।
ଶରତ ଋତୁର ଶୁଭ ଲଗନରେ
ହୋଇବୁ ଲୋ ମାଆ ଉଭା ।
ଶୈଳ ପୁତ୍ରୀ ମାଆ ତୋର ଅଗମନେ
ଧାରାରେ ବଢିବ ଶୋଭା ।
ବ୍ରହ୍ମ ଚାରିଣି ରୂପେ ତୋର ମାଆ
ଦୁରେଇବୁ ଅହଙ୍କାର ।
ସବୁ ମନେ ପୁଣି ଭରି ଦେବୁ ତୁହି
ଭାବ ଶ୍ରଦ୍ଧା ସଞ୍ଜମର ।
ଚନ୍ଦ୍ର ଘଣ୍ଟା ରୂପ ଐଶ୍ୱର୍ଯ୍ୟ ସ୍ୱରୂପ
ସୁଖ ସମୃଦ୍ଧିର ପ୍ରତୀକ ।
କୁଷ୍ମାଣ୍ଡା ରୂପ ତୋ ଦୂର କରେ ବ୍ୟାଧି
ରଖେ ମାନ ଯଶ ଟେକ ।
ସ୍କନ୍ଧମାତା ତୁହି ଏହି ଧରା ପରେ
ଉଭା ହେବୁ ଚତୁର୍ଭୁଜା ।
ଶୁଭ୍ର ବର୍ଣ୍ଣ ରୂପ କମନୀୟ ତୋର
ପୂର୍ଣ୍ଣ କରିବୁ ତୁ ମନବାଞ୍ଛା ।
କାତ୍ୟାୟନୀ ରୂପ ବିରତ୍ଵ ପ୍ରତୀକ
ନାସିବୁ ଶତ୍ରୁକୁ ତୁହି ।
ବିନାସି ଶତ୍ରୁକୁ ସୁଖ ସମୃଦ୍ଧିର
ଆଶିଷ ଦେବୁ ମା ତୁହି ।
ଘନ ଅନ୍ଧାରର ମୁକୁଳା କେଶରେ
ଦୁଷ୍କୁର୍ତ ବିନାସି ଥାଉ ।
କାଳ ରାତ୍ରୀ ବେଶେ ବଢାଇକି ଭୀତ
ପାପୀଙ୍କୁ ଡରାଇ ଥାଉ ।
ଗୌରୀ ରୂପ ତୋର ଗୌର ବର୍ଣ୍ଣ ମାଲୋ
ସବୁଠୁ ପ୍ରିୟ ମୋହରି ।
ସିଂହ ବାହିନୀ ମାଆ ଶାନ୍ତି ପ୍ରଦାୟିନୀ
ବିପଦରୁ ଦେବୁ ତାରି ।
ସିଦ୍ଧିଦାତ୍ରୀ ରୂପେ ଶଙ୍ଖ ପଦ୍ମ ହସ୍ତେ
ଅଭିଷ୍ଟ କରିବୁ ପ୍ରାପ୍ତି ।
ଦରିଦ୍ର ଭଞ୍ଜନି ଦୁର୍ଗତି ନାସିନୀ
ମାଆ ତୁହି ଭଗବତୀ ।
ପୁବେଇ ପବନ କରଇ ଉଛନ
କାଶତଣ୍ଡି ହସେ ଖାଲି ।
ସଜେଇ ହେଲାଣି ଧରା ଧାମ ପୁଣି
ମାଆ ତୁ ଆସିବୁ ବୋଲି
ମାଆ ତୁ ଆସିବୁ ବୋଲି ।