ମାଆ ପରି କିଏ ହେବ ?

ମାଆଲୋ ତୋ ପରି ଆଉ କିଏ ହେବ ,

ଅନ୍ତ ଚିରି ଜନ୍ମକଲା ପରେ ଛାତିରୁ

ଅମୃତ ଦେଇ ବଞ୍ଚେଇବ ।

ମାଆ ତୋ ପରି କିଏ ଆଉ ସ୍ନେହମୟୀ ହେବ ,

କୋଳେଇ ଧୋ ବାୟା ଗୀତରେ ଶୁଆଇ ଦେବ ।। - - - - ୧

ମାଆଲୋ ତୋ ଭଳି କିଏ ସାହା ହେବ ,

ଆଙ୍ଗୁଠି ଧରି ଏ ଧରା ଭୂଇଁରେ ଚାଲି ଶିଖେଇବ ।

ରାତି ଅନ୍ଧାର ଭୟରୁ କିଏ ବଞ୍ଚେଇବ ,

ତୋ ପଣତଠୁ ବଳି ଆଉ କିଏ ସୁରକ୍ଷା ଦେବ ।। - - - - ୨

ସବୁ ନାରୀ ହେଉ ଅବା ପତ୍ନୀ ସବୁ ବନ୍ଧା ସ୍ୱାର୍ଥରେ ,

ଟିକିଏ ପାନରୁ ଚୂନ ଗଲେ ରୁହେ ସେ ଦୂରରେ ।

କେବେ ନଆସେ ହିଂସା କପଟ ତୋ ମନୁ,

ବିପଦ ମୁକ୍ତ ରଖୁ ଯେତେ କଷ୍ଟ ହେଲେ ନେଇ ନିଜ ଆଡୁ ।। - - - - ୩

ପାଟିକୁ ରୁଚେ ନାହିଁ ଅନ୍ୟର ରନ୍ଧା କ୍ଷୀରି ପୁରୀ ଅବା ପଳାଉ ,

ମନ ସବୁବେଳେ ଖୋଜେ ତୋ ହାତର

ମଣ୍ଡା କାକରା ଆରିସା ଅବା ଶାଗ ପଖାଳ ମିଳୁଥାଉ।

ହେଇଯାଏ ଆଶୀର୍ବାଦ ଯେତେ ଗାଳି ତୋର,

ଦୂରେ ଥିଲେ ମନେ ପଡେ ସବୁବେଳେ ମୋର ।। - - - - ୪

ତୋର ଋଣ ସୁଝି କିଏ ପାରିଛିକି ମା ମୋର,

ଏକ ନିମିଷର ତ୍ୟାଗ ପାଇ ସେବା ନିଅଣ୍ଟିବ ଏ ପୁରା ଜୀବନର ।

ସଦା ସର୍ବଦା ମୂର୍ଖ ଭଳି କିଛି କହି ଦେଉଥିବି ଦୁଃଖ ,

କିନ୍ତୁ ଆଜି ପୁଣି ନେଉଛି ଶପଥ ଜୀଇଁ ଥିବା ଯାଇ ଦେବି ନାହିଁ କଷ୍ଟ ।। - - - - ୫