ମାଆ ମୋହର ସାହା
ମାଆ ମୋହର ସାହା
ମାଆ ମୋହର ସାହା
ପେଟରେ କେତେ ମାଡ ସହିଛି
ଅନ୍ତ ଫାଡି ମତେ ଜନ୍ମ ଦେଇଛି ।
ପେଟରୁ କାଟି ଖାଇବା ଦିଏ
ପିଠିରୁ କାଟି ପିନ୍ଧାଇ ଦିଏ ।
ବଳକା ଖାଇ ଚଳେଇ ନବ
ପଣତେ ସଦା ଘୋଡାଇ ଥିବ ।
ମୋ ରୋଗ ପାଇଁ ପଥି ସାଜିବ
ଗାଳି ଗୁଳିକୁ ଛାତି ପାତିବ ।
ସବୁ ଅଭାବର ମାଆ ମୋ ଭାବ
ଭବ ସଂସାରେ ଟାଣୁଆ ନାବ ।
ତା ପଣତ ଶୀରି ମନ୍ଦିର ନେତ
ଗାଳି ଟି ତା'ର ମନ୍ଦିର ବେତ ।
ତା ହାତ ରନ୍ଧା ମହା ପ୍ରସାଦ
ବଚନ ତା'ର ମୋ ପାଇଁ ବେଦ ।
ସଂସ୍କାର ତା'ର ସବୁଠୁ ବଡ
ପାଇ ମୁଁ ଯାହା ହୋଇଛି ବଡ ।
ନିଇତି ସେ ଶୁଭ ମନାସୁ ଥିବ
ମୋ ମାଆ ପରି କିଏ ହେବ !!
ମାଆ ହେ ମୋର ମାଆ
ଦୁନିଆଁରେ ତୁ ଏକା ସାହା ।