ମାଆ ମାଟି ମମତା

'ମ' ରୁ ମାଆ

'ମ' ରୁ ମାଟି

'ମ' ରେ ମମତା

ମାଆ ମାଟିରେ ମମତା

ମାଆରୁ ସୃଷ୍ଟି ଜୀବନ କୃତି

ମାଟିରୁ ଚିରାଚରିତ ପ୍ରକୃତି

ମାଆ ମାଟିମାଆ ଠାରେ ରଖ ପ୍ରୀତି ।

ମାଆ ଆମ ପଥ

ଦେଖାଏ ସେ ବାଟ

ମାଆ ଆମ ନାଆଁ

ମାଆ ବିନା ଅଚିହ୍ନା ଏ ଦୁନିଆ

ମାଟି ଆମ ମାଆ

ମାଟି ଆମ ସାହା

ମାଟି ବିନା କେ ଅଛି ନିଜର

କରିବାକୁ ଆହା !

ମାଆର ସେନେହ

ଆଦର ଯତନ

ସୁଖ ସୌଭାଗ୍ୟର ବିଳାସ ଭୁବନ

ତା' ଦରଦୀ ମନ ବକ୍ଷୁ ସୁଧା ପାନ

ଅମୃତଠୁ ବଳି ତୋଷଇ ମନ ।

ମାଟି ଆମ କୃତି

ମାଟି ଆମ ଖ୍ଯାତି

ଏ ମାଟି କୁ ସାଉଁଟି ସାଉଁଟି

ପାଇଛେ ଅନେକ ଅନୁଭୂତି

ମାଟିର ମହକ ସତରେ କୁହୁକ

ମଧୁପର ମଧୁ ଠାରୁ ମିଠା ଅଧିକ ।

ଏ ମାଟିରୁ ଗଢି

ଏ ମାଟିରେ ବଢି

ଏ ମାଟିର ପଥଧାରେ

ଦିନେ ଯିବା ବାହୁଡି, ଏ ମାଟିରେ ପୋଡି ।

ମାଆ ପାଇଁ ମାଟି ପାଇଁ

ଢଳିଯାଉ ମନପ୍ରାଣ

ମାଆ ମାଟି ମମତାର ମାନ

ଯୁଗେ ଯୁଗେ ରହୁ ଅକ୍ଷୁର୍ଣ୍ଣ।।