ମାଆ ହାତ ରନ୍ଧାରେ

ମାଆ ହାତ ରନ୍ଧା ଖାଦ୍ୟ ସୁଆଦ

ଶାଗ ଖରଡ଼ି ଜାଇ ରଗଡ଼ି ସୁସ୍ୱାଦ

ଆମ୍ବିଳ ଖୁଦପିତା କାଞ୍ଜି ବେସର

ଚୂନା ମାଛ ଝୋଳ ବସାଦହି ଘୋଳ

ଲାଳ ଗଡେ ପାଟିରୁ ହସୁଥାଉ ନିର୍ବେଦ

ତା ହାତରେ କି ଯାଦୁ ଭାବି ଦୁର୍ଭେଦ୍ୟ

ପରିବାର ସୁଖ ପାଇଁ ଲୁଚାଇ ନିଜ ଅବସାଦ

ବାଢେ ସ୍ଵାମୀ ପୁତ୍ର କନ୍ୟା ଭାବେନି ବର୍ବାଦ

ସାହି ପଡ଼ୋଶୀ ବନ୍ଧୁ ବାନ୍ଧବ କୁଣିଆ ମୈତ୍ର

ସାଙ୍ଗ ସାଥୀ ଚିହ୍ନା ଜଣା ନଥାଏ ଭେଦ ଭାବ

ସଭିଙ୍କ ମନ ଜାଣି ମାନ ରଖେ ନିର୍ଦ୍ଦୋନ୍ଦ

ମୁଣ୍ଡାଇ ସଂସାର ଜଞ୍ଜାଳ ଛିଣ୍ଡାଇ ସାଂସାରିକ ଅଭେଦ

ତା ମମତା କଳିବାକୁ ମାପକାଠିରେ ଦ୍ୱନ୍ଦ

ସେଵିକା ସେ ଘରୋଇ ଉପଚାରେ ଦିଏ ଔଷଧ

ଗୀତା ରାମାୟଣ ମହାଭାରତ ପଢା ଅଗାଧ

ସବୁଜାଣେ ସହିଯାଇ ସତେ ଅବା ନିର୍ବୋଧ

ସଂଚାଳିକା ଗୃହକର୍ତ୍ତୀ କରେ ସୁଗମ ସହଜବୋଧ

ସରିହେବ ନାହିଁ ତା ରନ୍ଧା ସହ ହୋଟେଲ ଖାଦ୍ୟ

ଯେତେ ଯାହା ଖାଅ ମନେପଡ଼େ ବୋଉ ପରଷା ଭାତ

ପିଲାଦିନ ଖେଚେଚି ଦାହିଭାତରେ ମିଶା ଖୁଦ

 ମନେପଡେ ବଢ଼ାଭାତ ସଙ୍ଗେ ଆଳୁ ଚକଟାର ସ୍ଵାଦ

ସ୍ଵର୍ଗ ସୁଖ ମାଆ ହାତ ରନ୍ଧା ବଢ଼ା ସ୍ନେହ ସରାଗ