ମାଆ ହାତ ରନ୍ଧା
ମାଆ ହାତ ରନ୍ଧା
ସବୁଠୁ ପ୍ରିୟ ଖାଇବା ମୋର
ମୋ ମାଆ ହାତ ରନ୍ଧା
ଘରକୁ ଗଲେ ଖୁଆଏ ମୋତେ
କରି ସେନେହ ଶ୍ରଦ୍ଧା
ସହରେ ଏଠି ଖାଇଲେ ଯେତେ
ପେଟ ପୁରୁନି ଜମା
ଖାଇ ବସିଲେ ଝୁରୁଛି ନିତି
ତୋତେଲୋ ମୁହିଁ ମାଆ
ଯାଇ ପାରୁନି ଘରକୁ ମୋର
ମୁହିଁ ଯେ ହତଭାଗା
ବୁଝି ପାରୁନି ମାଆର ଦୁଃଖ
ସାହା ତୁ ଏକା ଜଗା
କୋଳେ ବସାଇ ଜହ୍ନ ଦେଖାଇ
ଖୁଆଏ ପେଟ ଭରି
ମନ ହେଉଛି ଘରକୁ ଯାଇଁ
ଖାଆନ୍ତି କ୍ଷୀରି ପୁରି
ଛୋଟ ଶିଶୁଟେ ହେବାକୁ ଆଜି
ଇଚ୍ଛା ହେଉଛି ଭାରି
ମାଆ କୋଳରେ ଖୁସି ମନରେ
ଖାଆନ୍ତି ମନ ଭରି