ମା ଓ ଶାଶୁ
ମା ଓ ଶାଶୁ
ମାଆ,ଶାଶୁ ମାଆ ଉଭୟତ ମାଆ
ଜନନୀ ସେ ରଚୟିତା
ନାରୀ ସିଏ ଏକ ନାମଯେ ଅନେକ
ଜାଆ,ବୋହୁ, ଓ ଦୁହିତା l
ମାଆର ନାମରେ ଅମୃତଯେ ଭରେ
ଶାଶୁ ନାମେ ଟିକେ ଫିକା
ମାଆ ଯେବେ ମୋର ଭୂମିକା ଶାଶୁର
ମନେ ତାର ଆସେ ରକା l
ମାଆର କର୍ତ୍ତବ୍ୟ ସନ୍ତାନର ସେବା
ସେଥିପାଇଁ ସେ ପୂଜିତା
ଶାଶୁର କାମଟା ଦେବା ହୁକୁମଟା
ମନେ ଥାଏ ସଂକୀର୍ଣ୍ଣତା l
ଗର୍ବ ଅଂହକାର ମନରେ ବିକାର
ବଡ଼ ପଣ ଶାଶୁ ଗୁଣ
ନିଃସ୍ୱାର୍ଥ ପରତା ଗୁଣରେ ପୂରିତା
ସର୍ବଂସହା ମାତା ଜାଣ l
ଦୋଷ ଦୁର୍ବଳତା କ୍ଷମା କରେ ମାତା
ସେଥିପାଇଁ ବନ୍ଦନୀୟା
ଦେଖି ଦୁର୍ବଳତା କାମେ କୁଟିଳତା
ଶାଶୁ ପରା କପଟିଆ l
ଶାଶୁର ସେବାରେ ଜୋଇଁ କାମ କରେ
ନିଜ ମାଆ ନିର୍ଯ୍ୟାତିତା
ବୋହୂର ତାଡନା ଦେଖିତ ପାରେନା
ମାତା ଆଜି ମର୍ମାହିତା l
ବୋହୂତ ଆଜିର କାଲିସେ ଶାଶୁର
ଅଭିନୟ ଅନୁଭୂତି
ଛାଡି ଅହଂ ଭାବ ଶିକ୍ଷାରେ ସମ୍ଭବ
ଆସିବ ସହାନୁଭୂତି l
ନାରୀ ସଚେତନ ହେବ ଜାଗରଣ
ସମଦୃଷ୍ଟି ସମାନତା
ମାତା ରୂପେ ଶାଶୁ ମନରେ ଯେ ଆସୁ
ଶାଶୁ ନୁହେଁ ମୁହିଁ ମାତା l
ହସେ ପରିବାର ହସିବ ସଂସାର
ଶାଶୁ ଯେବେ ହେବ ମାତା
ହଟିବ କଷଣ ହୋଇବ କଲ୍ୟାଣ
ଆସିଯିବ ମଧୁରତା l