ମା କାଳରାତ୍ରି(ଧୂସର ବର୍ଣ୍ଣା)
ମା କାଳରାତ୍ରି(ଧୂସର ବର୍ଣ୍ଣା)
ସପ୍ତମ ଦିବସେ ଆସେ ନବ ରାତ୍ର
ଦୁର୍ଗାଙ୍କ ଧୂସର ବେଶେ
କାଳରାତ୍ରି ହୋଇ ଧରାରେ ମଣ୍ଡନ
ରୂପ ବିକରାଳ ଦିଶେ ।
ରୂପ ଭୟଙ୍କର ଦିଶେ କଳାରଙ୍ଗେ
କେଶଟା ଥାଏ ଫୁଙ୍ଗୁଳା
ଲହ ଲହ କରି ଜିହ୍ୱାର ଅନଳେ
ଦୁଷ୍ଟଙ୍କ ବୁଡ଼ଇ ଭେଳା ।
ତ୍ରିନେତ୍ର ଧାରିଣୀ ଚତୁର୍ଭୁଜ ମାତା
ରୂପ ସତେ ତାଙ୍କ କାଳୀ
ଧରି ଖଡ୍ଗ କଣ୍ଟା ଆଉ ବର ମୁଦ୍ରା
ହାରରୁ ଆସେ ବିଜୁଳି ।
ଗଧ ବାହନରେ କର ଆତଯାତ
ଭୟଙ୍କର ରୂପ କାନ୍ତି
ମାତା କାଳରାତ୍ରି ଅସୁର ନାଶକ
ଭକ୍ତଙ୍କୁ କରନ୍ତି ଶାନ୍ତି ।
ମାରି ଚଣ୍ଡ ମୁଣ୍ଡ ଆଉ ରକ୍ତ ବୀଜ
ଦେବଗଣ କଲେ ଶାନ୍ତ
ଆଜି ସେ ରୂପକୁ କରୁ ଆରାଧନ
ଧରାକୁ କର ପ୍ରଶାନ୍ତ ।
ଧୂସର ବସ୍ତ୍ରରେ ପୂଜା ମଣ୍ଡପରେ
ଦେଖୁ ମହିଳାଙ୍କ ଭିଡ଼
ପୂଜା ଅର୍ଘ୍ୟ ଥାଳି ସ୍ୱହସ୍ତରେ ଧରି
ଅର୍ପଣ ଭୋଗର ଗୁଡ଼ ।
ଧୂସର ରଙ୍ଗରେ କୁଶକ୍ତିର ନାଶ
ଦେଇଥାଏ ସେ ଚେତନା
ସେହି ରଙ୍ଗେ ଆଜି ନାରୀ ଜାଗରଣ
କାଳରାତ୍ରିଙ୍କ ପ୍ରେରଣା ।
ଧନ୍ୟ ଧନ୍ୟ ମାତା ନବ ରାତ୍ର ମଧ୍ୟେ
ମହାନ ସପ୍ତମ ରାତି
ଧରେ ଆବିର୍ଭାବ ଧୂସର ବର୍ଣ୍ଣରେ
ବିନାଶ ଦୁଷ୍ଟର ଶକ୍ତି ।