ଲୟ

ଲୟରୁ ଉତ୍ପନ୍ନ ହୁଏ ସ୍ୱର ତାଳ

ଦ୍ରୁତ ମଧ୍ୟ ବିଳମ୍ବିତ

ଲୟ ଯୋଗୁଁ ସୃଷ୍ଟି ସଙ୍ଗୀତ ସୁନ୍ଦର

ମଧୁର ଲାଗେ ଜୀବନ୍ତ ।

ଲୟର ପ୍ରକାଶ ହୁଅଇ ତାଳରେ

ସ୍ୱର ହୁଏ ନିମ୍ନ ଉଚ୍ଚ

ତାଳର ଜନନୀ ଶ୍ରୁତି ପିତା ଲୟ

ଉଭୟ ପରିପୂରକ ।

ତାଳ ଲୟ ବିନା ଜୀବନ ସଙ୍ଗୀତ

ନିଷ୍କ୍ରିୟ ପ୍ରଭାବଶୂନ୍ୟ

ତାଳ ଆଉ ଲୟ ସମ୍ପର୍କ ଅଭେଦ

ଆତ୍ମାରୂପ ଏକ ପ୍ରାଣ ।

ଲୟ ସୁସ°ହତି ତାଳ ସୁସଙ୍ଗତି

ଗାନକୁ କରେ ମଧୁର

ସଙ୍ଗୀତ ଦିଅଇ ଜୀବନେ ଆନନ୍ଦ

ଶ୍ରୋତାଙ୍କୁ କରେ ବିଭୋର ।

ସମୟ ଅଖଣ୍ଡ ଅଟଇ ଅନନ୍ତ

ବ୍ରହ୍ମାଣ୍ଡରେ ପରିବ୍ୟାପ୍ତ

ବ୍ରହ୍ମ ନିରାକାର ଲକ୍ଷ୍ୟ ଲୟ ଶବ୍ଦେ

ସାକାର ଓ ପରିସ୍ଫୁଟ ।