ଲୁହର ନଈ

ଆଖିରୁ ଝରିଛି କେତେ କେତେ ଲୁହ

     ଛାତିରୁ ଉଠିଛି କୋହ

ସବୁ ବୁଝି ବି ତ ଅବୁଝା ଦୁନିଆ

   ନିଜ ପାଶେ ଖାଲି ମୋହ ,

ପରଲୋକ ପାଇଁ ଯାଏ ଆସେ କେତେ

    କହୁଛି ଯେ ଯାହା କହୁ

ଲୁହର ନଈରେ ଦୁନିଆ ବୁଡିଛି

     ବୁଡି ବୁଡି ମରୁ ଥାଉ ,

ସଭିଏଁ ଜିଇଁକି କରିବେ କଅଣ

     ସବୁ ସରିଗଲା ପରେ

ଜୀବନ ଯୁଦ୍ଧରେ ସିଏ ହିଁ ବଞ୍ଚିବ

     ଶକ୍ତି ଅଛି ଯା ବାହୁରେ ,

ଯେତେ କାନ୍ଦିଲେ ବି ଏକାଏକା ବସି

    କିଏ  ଶୁଣିବାକୁ ଅଛି

ଲୁହର ନଈରେ ବୁଡି ମଲେ ମଧ୍ୟ

    ଆସିବେନି ଲୁହ ପୋଛି ,

ସବୁରି ଭୟପା କରୋନାକୁ ଏଠି

   ଦୂରେ ରହିଛନ୍ତି ସବୁ

ମାନବିକତା ଆଜି ହଜିଯାଇ ଅଛି

    ଯିଏ ଯା ଭାବିଲେ ଭାବୁ  ।