ଲାଇବ୍ରେରୀ
ପ୍ରୋଫାଇଲ୍
ଲୋଡ଼ାନାହିଁ
ଲୋଡ଼ାନାହିଁ
1 min
166
ଲୋଡ଼ାନାହିଁ ମୋର ମାନ ପଦବୀର
ଇଛାହୀନ ଭକ୍ତିଭାବ
ନୁହେଁ ଚାଟୁକାର ହେବିନି ଦଲାଲ
ସ୍ୱାଭିମାନ ମୋ ସ୍ଵଭାଵ ll
ଲୋଡ଼ାନାହିଁ ମୋର ଧନ ସମ୍ପତ୍ତିର
ନିର୍ଭୟେ ରହିବି ମୁହିଁ
ନୁହେଁ ମୁଁ ଅଧୀର ଦେଖିକି ଅମୀର
ସପନେ ଭାବିବି କାହିଁ ll
ଲୋଡ଼ାନାହିଁ ମୋର ସୁନ୍ଦର ଚାକିରୀ
ହାତ ଟେକି ଯିବ ପ୍ରାଣ
ସ୍ୱଇଚ୍ଛାରେ କାମ ରଖିବି ମୁଁ ନାମ
ଗୋଲାମୁ ହଟୁମୋ ମନ ll
ଲୋଡ଼ା ନାହିଁ ମୋର ଗାଡି ଘର ଦ୍ଵାର
ଗର୍ବରେ ନ ଫୁଲୁ ଛାତି
ଶାନ୍ତି ସନ୍ତୋଷରେ ସ୍ନେହ ମମତାରେ
ଜୀବନ ଯାଉମୋ ବିତି ll
ଲୋଡ଼ାନାହିଁ କୃପା ରାଜନେତା ଦୟା
ବାହୁବଳୀ କପଟତା
ମନ ମୋ ସରଳ ରହୁଯେ ନିର୍ମଳ
ଵିଵେକରେ ସଚ୍ଚୋଟତା ll
ଲୋଡ଼ାନାହିଁ ମୋର ପ୍ରେମ ସୁନ୍ଦରୀର
କାମ, ନିଶା, ଜୁଆ ଖେଳ
ଅଢେଇ ଦିନର ଅତିଥି ମହୀର
ସତ କର୍ମେ ସରୁ କାଳ ll
ଜୀବନ ଅଲୋଡ଼ା ନ ହେଉ କାମନା
ପ୍ରଭୁ ନାମ ହୃଦେ ଥାଉ
ସତ୍ୟ ଧର୍ମ ନ୍ୟାୟ କରିକି ପାଥେୟ
ସତସଙ୍ଗେ ମନ ରହୁ ll
