ଲୋଡ଼ା ନାହିଁ

ଲୋଡ଼ା ନାହିଁ ମୋତେ ତୁମ 

ଘର ର ଠିକଣା 

ଯେଉଁଠିକୁ ଚିଠି ଦେଲେ 

ଉତ୍ତର ଫେରେନା 

ଲୋଡ଼ା ନାହିଁ ମୋତେ ତୁମ 

ସୁନ୍ଦର ଚେହେରା 

ଯାହା ପାଇଁ ଖୋଲାରୁହେ 

ଆଖି ରାତିସାରା 

ଲୋଡ଼ା ନାହିଁ ମୋତେ ତୁମ 

ମିଠା ମିଠା କଥା 

ଯଦି ଆଜି ବୁଝୁନାହଁ 

ମୋ ମନର ବ୍ୟଥା 

ଲୋଡ଼ା ନାହିଁ ମୋତେ ତୁମ 

ସ୍ନେହ ରୂପୀ ପ୍ରେମ 

ଯାହା କରି ପାରୁନି ମୋ 

ଯନ୍ତ୍ରଣା କୁ କମ 

ଲୋଡ଼ା ନାହିଁ ମୋତେ ତୁମ 

ଜୀବନେ ରହିବା 

ରହିବାର ମାନେ ଯଦି 

କେବଳ କାନ୍ଦିବା 

ଲୋଡ଼ା ନାହିଁ ମୋତେ ତୁମ

ହୃଦେ ଅଧିକାର 

ଯଦି ମୋ ପାଇଁ ଦୋହଲେ 

ତୁମ ସୁଖ ସଂସାର...।