ଲାଇବ୍ରେରୀ
ପ୍ରୋଫାଇଲ୍
ଆହାଃ କି ଦିନର ଆରମ୍ଭ
ଆହାଃ କି ଦିନର ଆରମ୍ଭ
1 min
19
ଆହା କି ଦିନ ହେଲା ଆରମ୍ଭ
ରାତି ହେଲା ଶେଷ
ହାତକୁ ଆସିନି ଚା କପ
ତଣ୍ଟିକୁ ଆସିଲା ଶୋଷ
ସକାଳୁ ମନେପଡ଼ିଲା ଆଜି
ତୋ ଓଠର ଖିଲି ଖିଲି ହସ
ତୋ ଅଧୁଆ ମୁହଁ ସାଙ୍ଗକୁ
ଅଙ୍କାବଙ୍କା କେଶ ବିନ୍ୟାସ
ସରଗ ପରୀର ଏତ
ଅପୂର୍ବ ସକାଳୁଆ ବେଶ
ପାଗଳ କରିବ ମୋତେ
ଆଜି ସାରା ଦିବସ
ଆହା କି ଦିନର ହେଲା ଆରମ୍ଭ
ରାତି ହେଲା ଶେଷ.......।
ଆଉ ଟିକେ ପରେ ତୁ
ମୁହଁ ଧୋଇ ସାରିଥିବୁ
ଗାଧୋଇ ବି ସାରିଥିବୁ
ନାଲି ଶାଢ଼ୀ ପିନ୍ଧିଥିବୁ
ମଥାରେ ଟିକିଲି ଆଉ
ସିନ୍ଥୀ ରେ ସିନ୍ଦୁର ନାଇଁଥିବୁ
ଟିକେ ଟିକେ ଲାଜ କରି
ମୋ ପାଖକୁ ଚାଲି କି ଆସୁଥିବୁ
ହାତରେ ଚା କପ ଥିବ
ଓଠ ରେ ଚାପା ହସ ଥିବ
ସେଇ ହସରେ ମୋ ପାଇଁ
ଭଲ ପାଇବା ବି ରହିଥିବ
ତୁ ତରତର ହଉଥିବୁ
ଡାହାଣ ହାତକୁ ମୋ
ଚା କପ ଧରେଇଦେବୁ
ଅଳ୍ପ ଲାଜ ମିଶା ଚାହାଣି ଦେଇ
ମୋ ପାଖରୁ ଚାଲିଯିବୁ
ମୋ ଓଠକୁ ବି ଚାଲିଆସିବ
ପ୍ରେମଭରା ସ୍ମିତ ହସ
ରଙ୍ଗୀନ ହେଇଉଠିବ
ମୋ ସ୍ୱପ୍ନର ଆକାଶ
ମୁଁ ଭାବୁଥିବି ତୁ ବି ଭାବୁଥିବୁ
ଆହା କି ଦିନ ହେଲା ଆରମ୍ଭ
ରାତି ହେଲା ଶେଷ.....।
