ଲଙ୍କା ଦହନ

ଶ୍ରୀ ହନୁମାନ ମହାବଳ l

ଲଙ୍ଘିଲେ ମହାସିନ୍ଧୁ ଜଳ ll

ମାରିଲେ ଏକ ମାତ୍ର ଲମ୍ଫ l

ଆକାଶେ ଶୁଭିଲା ପ୍ରକମ୍ପ ll

ଦେଖିଣ ସୁରସା ରାକ୍ଷସୀ l

ହନୁଙ୍କୁ ଗିଳିଲା ଆକର୍ଷି ll

ମୂଖ ବିସ୍ତାରେ ଯେତେବଡ଼ l

ହନୁ ହୋଇଲେ ତହୁଁ ବଡ଼ ll

ଉପାୟହିନେ ଦେଲା ଛାଡ଼ି l

ହନୁ ଆକାଶେ ଗଲେ ଉଡ଼ି ll

ଆକାଶେ ଉଡ଼ି ଅଙ୍କା ବଙ୍କା

ପଶିଲେ ଯାଇ ସ୍ବର୍ଣ୍ଣ ଲଙ୍କା ll

ପୁରରେ ଭେଟିଲେ ଲଙ୍କିନୀ l

ଶକ୍ତ ଚାପୁଡ଼ା ଦେଲେ ଗଣି ll

ସୁକ୍ଷ୍ମ ମଶକ ରୂପେ ପୁଣି l

ଦେଖେ ରାକ୍ଷସ ରାକ୍ଷାସୁଣି ll

ଶୋଇ ଅଛନ୍ତି ଉଲଗନ l

ଆଶ୍ଚର୍ଯ୍ୟ ରାକ୍ଷସ ଭବନ ll

ଲଙ୍କାରେ ଶୁଣି ରାମ ନାମ l

ଭେଟିଲେ ଭକ୍ତ ବିଭୀଷଣ ll

ପଶିଲେ ଅଶୋକ ବାଟିକା l

ବୃକ୍ଷ ଭାଙ୍ଗିଲେ ଝଙ୍କାଝଙ୍କା ll

ସନ୍ଦେଶ ଦେଇ ମାତା ସୀତା l

ଘେନିଲେ ରତନ ମୁଦ୍ରିକା ll

ଅସୁରେ ପର୍ବତ ଆକାର l

ବନ୍ଧନ କଲେ କପିବର ll

ରାବଣ ପାଶେ ନେଲେ ଧରି l

ମାରନ୍ତି ବହୁତ ଧିକ୍କାରି ll

ରାବଣ ବୋଲେ ରେ ମର୍କଟ l

ତୁ ଅତି ହୀନ ରାମ ଦୂତ ll

ତହୁଁ ବୋଲଇ ହନୁମାନ l

ମୁଁ ନୁହେଁ ତୁମ୍ଭଠୁଁ ନିଉନ ll

ପ୍ରଭୁ ମୋ ଯେଣୁ ପରଂବ୍ରହ୍ମ l

ତୁମ୍ଭ ଉପରେ ମୋର ସ୍ଥାନ ll

ରାବଣ ପୁଛିଲା କେମନ୍ତ l

ହନୁ କହଇ ଏହି ମତ ll

ନିର୍ମାଣି ଆସନ ଲାଙ୍ଗୁଡ଼େ l

ହନୁ ବସିଲା ତହିଁ ଦୃଢ଼େ ll

ରେ ମୂର୍ଖ ଅଧମ ବାନର l

ଲାଞ୍ଜଟି ଘମଣ୍ଡ ତୋହର ll

ତଇଳ ଘୃତ ଲାଞ୍ଜେ ଢାଳି l

ତୋତେ ମର୍କଟ ଦେବି ଜାଳି ll

ଲାଞ୍ଜେ ଲାଗିଲା ବୈଶ୍ୱାନର l

ଲଙ୍କା ହୋଇଲା ଛାର ଖାର ll

ଦୁଃସାଧ୍ୟ କାର୍ଯ୍ୟ ଏ ଜଗତେ l

ସାଧ୍ୟ କର ହେ ହନୁମନ୍ତେ ll

  ମାରୁତି ପଶିଲି ଶରଣ l

 ଶରଣ ଜାନକୀ ରମଣ ll