ଲାଇବ୍ରେରୀ
ପ୍ରୋଫାଇଲ୍
ଉଜୁଡା ମନର ଗୀତ
ଉଜୁଡା ମନର ଗୀତ
ମନ ଏକ ଏମିତି ଦହନ
ଉଜୁଡିଲେ ସ୍ୱର ହୁଏ ଭିର୍ନ୍ନ
ସଂଗୀତର ତାଳ ନଥାଏ
ଶବ୍ଦରେ ଭାବ ଥାଏ କି ନଥାଏ
ଉଜୁଡିଲେ ଫସଲ ଚାଷୀ ବୋଲେ ଗୀତ
ମନ ଭାଙ୍ଗିଗଲେ ସ୍ୱର ନଥାଇ ସଂଗୀତ
ବାହାଘର ଭାଙ୍ଗିଗଲେ ଝିଅର
ଗୀତ ବୋଲନ୍ତି ବାପା ଲୁହ ଝର ଝର
ଅଭାବି ନିଅଣ୍ଟ ପଣତର ଗୀତ
ବୋଉର ଜୀବନ ବୀଣା ଝଙ୍କୃତ
ବିଦ୍ୟା ବୁଦ୍ଧି ଉଜୁଡିଲେ ଜ୍ଞାନୀ
ପରିଚୟ ହରାଇ ଗାଏ ସ୍ୱାଭିମାନୀ
ଉଜୁଡା ସଂସାର, ଉଜୁଡା ପ୍ରେମ ବେଭାର
ଶିଖାଏ ଗୀତ ପ୍ରତାରଣା ଛୀର୍ଣ୍ଣ ବୀଣାର
ରାଗ ରସ ସ୍ୱର ଲୟ ତାଳ
ଉଜୁଡା ଜୀବନେ ବେତାଳ
ଉଜୁଡା ମନ ବିବେକ ମାନ ସମ୍ମାନ
ତାର ଗୀତ ବିବେକରେ ଆଣେ ସମ୍ମୋହନ
ଉଜୁଡା କ୍ଷତ ଅନେଶତ
ଶାନ୍ତ ହୁଏ ଗାଇ ଗୀତ
ଉଜୁଡା ସମୁଦ୍ର ଜୁଆର
ଭଟ୍ଟାର ଗୀତି କବିତା ଫେରାର
ଉଜୁଡି ଗଲେ ଗୀତ ପଂକ୍ତି
କ୍ଷୟ ଯାଏ ଉତୁରିବା ଶକ୍ତି
ଉଜୁଡା ଗଛ ଫୁଲ ତାରା
ନୂଆ ସ୍ୱର ଳୟ ତାଳେ ଭରା ଭରା
ଉଜୁଡା ଜୀବନ ସଂଗୀତ
ଭକ୍ତ କହେ ରଖ ଦୀନନାଥ ଜଗନ୍ନାଥ
ଉଜୁଡା ମନର ଗୀତ ଚନ୍ଦନେ କର ଚର୍ଚ୍ଚିତ
ଚନ୍ଦନ ବନରେ ହସ୍ତୀ ଗାଏ ଜୀବନ ସଂଗୀତ
ଉଜୁଡା ମନର ଗୀତ ସଦା ଅସମାପ୍ତ
ଦୁଇ ନିଆଁ ମଝିରେ ଉଜୁଡା ମନର ଗୀତ
ଗାଇ ଯା ତୁ ମିତ, ଜୀବନ ଏମିତି ଶତ ପ୍ରତିଶତ.ll
