ଲାଇବ୍ରେରୀ
ପ୍ରୋଫାଇଲ୍
ଲକ୍ଷ୍ୟ
ଲକ୍ଷ୍ୟ
1 min
388
ଲକ୍ଷ୍ୟ ହୀନ ନାଆ ଅଟେ ଶୋକପୂର୍ଣ୍ଣ
କହିଛନ୍ତି ଗୁରୁଜନ
ଲକ୍ଷ ପୂର୍ଣ୍ଣ ହୋଇ କରେ ଯିଏ କର୍ମ
ହାରେନା ସେ କେହି ଦିନ ।।
ସଫଳତା ପାଇଁ ନ କରି ପ୍ରୟାସ
ପୂର୍ଣ୍ଣତା ହିଁ ଯାହା ଧ୍ୟେୟ
ଧୈର୍ଯ୍ୟବାନ ମନେ ହୁଏ ଅଗ୍ରସର
ବିଜୟ ହୁଏ ତା ଶ୍ରେୟ ।।
ନିଷ୍ଠା, ଏକାଗ୍ରତା, ଆନ୍ତରିକ ଇଛା
ସଫଳତାର ହିଁ ମନ୍ତ୍ର
ଲକ୍ଷ୍ୟ ସାଧନରେ ବ୍ରତୀ ଯେଉଁ ଜନ
ସମାଜେ ହୁଏ ସ୍ଵତନ୍ତ୍ର ।।
ଜୀବନ ଅଟଇ ଏକ ଲକ୍ଷ୍ୟ ପଥ
କିଏ ହାରେ କିଏ ଜିତେ
କଙ୍କରିଳ ପଥେ ହାରୁ ହାରୁ ଦିନେ
ଆଗେ ଥିବୁ ଜୟ ପଥେ ।।
