ଲକ୍ ଡାଉନରେ ପ୍ରିୟା ସେଲ୍ଫି

ଅପେକ୍ଷାର ବେଳ ଗଡି ଚାଲିଛି

ପ୍ରିୟା ଅବା ମୌନ ବ୍ରତ କରିଛି

କହୁନି କଥା କି ମୁହଁ ବି ଚାହୁଁନି

କରୋନା ଯେମିତି ମୋତେ ଗ୍ରାସିଛି ॥

ମାଗିନାହିଁ ଧନ କି ଯଉବନ

କାଣିଚାଏ ପ୍ରୀତି ମୁଁ ଯେ ଲୋଡୁଛି

କାହୁଁ ବୁଝିବ ମୋ ଫୁଲେଇ ପ୍ରିୟା

କେତେ ସରାଗରେ ସେଲ୍ଫି ମାଗୁଛି ॥

ଅଭିମାନିନୀ ମୋ ମନ ବୁଝୁନି

ପଥର ହୃଦୟ ବୋଧେ ବୋହିଛି

ସିଆଣିଆକୁ ମୁଁ ବୋକି ଭାବୁଥିଲି

ଏକୋଇଶ ଦିନର ରାଣ ଖାଇଛି ॥

ପ୍ରତୀକ୍ଷା ଲମ୍ବୁଛି ଆଗକୁ ଆଗ

ତିନି ହପ୍ତା ତିନି ଯୁଗ ଲାଗୁଛି

ପ୍ରେମ ଭିଜା ପ୍ରାଣ ଝାଉଁଳିବନି ତ

ବୁଝି କି ଅବୁଝା ପ୍ରିୟା ହେଉଛି ॥