ଲେଉଟିଲାଣି କରୋନା

କରୋନା ପର୍ବ  ସରିଣ ଗଲାଣି 

     ଭାବ ନାହିଁ ବନ୍ଧୁ ଏପରି

ସେ କରୋନା ପୁଣି ଲେଉଟିଲାଣି 

    ଭୟଙ୍କର ରୂପ ଧରି ll

ତା କରାଳ ରୂପ  ଉଜୁଡି ଦେଲା ଯେ 

    କେତେ ସୁଖ ପରିବାର

କେତେ ଯେ ହୋଇଲେ ବେସାହାରା ବାବୁ

  କେତେ ଜୀବନ ଛାରଖାର ll

ପେଟକୁ ଟିକିଏ ଦାନା ଦେବା ପାଇଁ

     କେତେ ଦୁଃଖ କଷ୍ଟ ସହିଛି 

ସହସ୍ର ଯୋଜନ   ବାଟ ଚାଲି ଚାଲି

     ଘରକୁ ଦାଦନ ଫେରିଛି ll

କେତେ ଯେ ଦାଦନ ବାଟେ ଚାଲି ଚାଲି

     ନରକ ଯନ୍ତ୍ରଣା ଭୋଗିଛି

ହାହାକାର ହୁଏ    ଜୀବନ ତାଙ୍କର 

   କେତେ ଯେ ଜୀବନ ଲୋଟିଛି ll

ସାରା ବିଶ୍ୱକୁ    ରାଜୁତି କଲାସେ 

     ସବୁ ହେଲେ ହାହା କାର 

ସୁଖ ଶାନ୍ତି ଧୈର୍ଯ୍ୟ  ଓଠେ ଟିକେ ହସ

     ନଥିଲା କାହାରି ପାଖର  ll

ସେ କଷ୍ଟ ଦିନ   କେତେ ଯେ ଯାଇଛି 

   ଜୀବନ ଦୁର୍ବିସହ ହେଇଥିଲା 

ବରଷେ ଯାଇନି   ସେ ଦୁଃଖ କାହାଣୀ

    ସଭେଁ କେମିତି ଭୁଲିଗଲେ ll

ହେ ମୋର ବନ୍ଧୁ  ନ ହୁଅ ଅମାନିଆ 

     ନିୟମ ମାନି ରହିବା 

ମାସ୍କ୍ ପିନ୍ଧୁଥିବା    ହାତ ଧୋଉଥିବା 

     ଦୂରତା ରକ୍ଷା କରିବା ll

ଲକଡାଉନ ସଟଡାଉନ ସମସ୍ତଙ୍କ ପାଈଁ

     ସମାନ ନୁହଁ ରେ ଭାଇ

ବହୁତ ଅଛନ୍ତି     ଓଳିଏ ଖଟିଲେ

    ପେଟକୁ ଦାନା ଯାଅଇ ll

ସରକାର ମହୋଦୟ  ଦିନକୁ ଦିନ

   ମନମାନି ହେଉଛନ୍ତି

ଅର୍ଥ ନିତି ସବୁ ଖରାପ ହେବା ଭୟେ

  ଲକଡାଉନ ନାଁ ଧରୁନାହାନ୍ତି ll

କୋଭିଡ ହସ୍ପିଟାଲ ର କଥା ନକୁହ ବାବୁ

     ପୁରା ପ୍ୟାକିଂ ହେଇ ଯାଉଛି

କେତେ ମରୁଛନ୍ତି କେତେ ବଂଚୁଛନ୍ତି

    ତାର ହିସାବ କିଏ ରଖୁଛି  ll

ଗହଳି ଯାଗାଠୁଁ  ଦୁରେଇ ରହିବା  

     ଗହଳି କରିବା ନାହିଁ

ନିଜସୁରକ୍ଷା ବନ୍ଧୁ  ନିଜର ହାତରେ

   ‌ ଏ କଥା ଭୁଲିବା ନାହିଁ ll