ଲୌହ ଦାନବର ହୁଙ୍କାର
ଲୌହ ଦାନବର ହୁଙ୍କାର
ଆସିଲା ଲୌହ ଦାନବ ଛାଡ଼ି ବିକଟାଳ ରଡ଼ି
ଗୋଟେ ନୁହେଁ ଥିଲା ଦୁଇଟି ଦାନବ
ସଙ୍ଗେ ଗୋଟେ ସୈତାନ ଦାନବ
ତାଙ୍କ ଚକ୍ରରେ ନିରିହେ କେତେ ଗଲେ ଯେ ପଡ଼ି
କାଳ ରାତ୍ରି ଘୋଟିଥିଲା ସାଜି ତାଙ୍କ ବଇରୀ
ଲୌହ ଚକ୍ରେ କେତେ ଯେ ନିରୀହ ଗଲେ ମରି
କେତେ ମାଁ ବାପା ହେଲେ ପୁତ୍ର ହରା
ତ କେତେ ପୁତ୍ରକନ୍ୟା ହେଲେ ପିତୃ ମାତୃ ହରା ,
ମରଣାନ୍ତକ ଯନ୍ତ୍ରଣା ଦେଲା କରମଣ୍ଡଳ ରେଳ
ଯହିଁ ବାହାନଗର ରେ ଖେଳେ କ୍ରନ୍ଦନର ରୋଳ
ଅନେକେ ହେଲେ ଦୁର୍ଘଟଣାରେ ବେସାହାରା
ତ କେତେକେ ହେଲେ ପୁଣି ସର୍ବହରା,
ରକ୍ତ ଅଭାବେ ଦୁଃଖୀ ହୋଇ
ବାଲେଶ୍ଵର ଜନତାଠୁ ଛୁଟେ ରକ୍ତ ଦାନର ଧାରା ।
ହେ ଜଗନ୍ନାଥ ଏହି ଦୁର୍ଘଟଣା ଘଟିଲା କାହିଁକି
ତୁନି ହେଇ ସିଂହାସନେ ବସିଛ ସତେକି,
ସାହା ହୁଅ ପ୍ରଭୁ ବାରେ ତାଙ୍କେ ଜଗନ୍ନାଥ
ବଢାଇ ଦିଅ ତାଙ୍କୁ କରୁଣାର ହାତ ।